زوجي ووالده طردوني من البيت والآن زوجي يريد ارجاعي، ما رأيكم؟

انا متزوجة وابني عمره سنتين ونصف وعانيت كثيرا من زوجي و سوء تعامله و بعض المفاهيم الخاطئة التي تربى عليها من ظلم للزوجة وقهر و استغلال كامل, كان كل سوء تفاهم بينا او اعتراض مني ع موقف خطا او صح يضل يهددني بأهلي و يتصل عليهم ويقولهم ما بدي بنتكم تعالو خذوها و يكون الموضوع تافه , و كثير نتزاعل يوديني انا وابني عند اهلي و نضل شهر بدون مصروف ولا حاجة ولا حد من اهله يردعه او يمنعه انه هذا خطأ, و يرجع يراضيني و اقبل وارجع , وكنت اسانده براتبي بمصروف البيت و اساعده لسداد دينه, لك استمرت الاساءات و افتعال المشاكل كأني عايشة بحقل الغام يا ويلي اذا غلطت غلطة او خالفته في شيء تكبر و تكبر و يردها لاهلي, وما وصلتها للطلاق ابدا, لكن اخر ه مرة رحلنا عند اهله و كان لي سكن مستقل و استقلت من شغلي لانه قال هو رح يتكلف بكل المصاريف , و اختلفنا على موضوعين بمجرد النقاش انا و هو و راح يردها لاهلي انه يتصل عليهم و يشكيني لهم, انا وقتها انجنيت انا قولت ارحل عند اهلك عشان افتك من المشاكل و وجع راس اهلي من وراه و وراي حتى لما بعدت عنهم رحلت مجرد ما اختلف بالرأي معاه يقوم يهددني بيهم و اخوي مسكين عنده الضغط وامي كبيرة في السن تعب قلبهم معنا وهما الي كانو يساندوني انا وابني وازا احتاج اشي ما يقصرو معي من وقت اتجوزت و اهله ما الهم في اشي و كل المشاكل ما يدخلون فيها ولا يعملو اشي, المهم فاض بيا الامر و قولت اروح اقول لابوه لانو ما بيصير ان اتنازل عن حياتي و شغلي و ابعد كل البعد عن اهلي ومجرد اختلف معاه على شيء يهددني بأهلي يجو ياخدوني و يطلقني , ما لحقت احكي مع ابوه و اقوله ما يصير الا كان رده سيء و همجي و قام بطردي من بيتهم و يصرخ عليا وطبعا الدنيا كانت ليل و ابني صار يعيط من الرعبة وانا انصدمت من الموقف وردة فعله و قام طلع وراي و يصرخ عليا بالحارة وخلى الجيران كلهم يتفرجو عليا, طلع زوجي على صوتهم راح شافهم ورجعلي وانا واقفة ع باب البيت شافني مصدومة و قام بطردي و قالي ما تفوتي البيت و اتصل على اخوي هو وابوه وقالهم تعالو خدو بنتكم مش متربية و غلط فيا وانا من الصدمة ما قدرت احكي اشي, زقعدو ساعتين لحد ما اجو اخواني من عمان لانه احنا بمحافظة تانية بعيدة عنهم و اجو اخواني و اخدوني انا وابنهم و انا وقتها فعلا قررت الطلاق من سوء ما شفت. بقيت شهرين ونصف عند اهلي ما حد منهم سأل علينا الا وقت ما رفعت نفقة على زوجي عشان اسد القرض الي اخذته له و هو ما قام بسداد اي مبلغ خلال هذه الفترة , المهم بعد جلسة النفقة اصبح يحاول يراضيني و يتصل عليا عشان يقنعني ارجع وما اطلب الطلاق لكن انا رافضة الي ميول ارجع لكن من كثر ما شفت مشاكل منه ومن اهله فقدت الثقة و لانها مش اول مرة يضل يرمين انا و ابني عند اهله اسود وجهي قدام الخلق كلها رايحة جاية, و ضل يتصل عليا و يجيني انا بدون ما حد من اهله يعمل خاطر لاخواني و اهله وانا اهلي تعبو و اتغلبو معي كثير و هو اهله مريحين حالهم في كثير شغلات و مخليين اهلي هما الي يتحملو كل اشي, قولت له اذا بدي ارجع بدي وقت تا افكر منيح لاني بدي اعيش بدون مشاكل و هالاشي ما بضمنه معاك ولا مع اهلك, لكنه اصر و ضل يحاول تلفونات و زيارات على الشركة وانا ما بقدر اطرده او ازعله لكن اطلب منه انه يتركني وما يضل يستغل عواطفي و طيبتي , و اخر مرة قولت لاهلي انه وصلني ع الشركة و اتحدثت عاه و فعلا زعلو كتير لانه بمجرد حكيي معاه يعتبر عطيته امل للعودة, اريد الخلاص وانتهي من هذه الحياة لاني خسرت و تكبدت خسائر نفسية و مالية جمة من وراه , وما زلت اسد القرض و الدين الي عليا و مصاريف المحامي و مصروف ابني من شغلي !!!