حياتي الزوجية متوقفة على اعتذار من زوجي وهو رافض أن يعتذر فما الحل؟

السلام عليكم ورحمه اللله وبركاته ببدا مشكلتي على طول صار لي مشكله مع زوجي تلفظ علي بالفاظ جارحه وهو سليط اللسان وعصبي جدا وانا من اربع شهور وانا ببيت اهلي جا ثلاث مرات يتكلم عن المشكله مع ابوي بدون اعتذار حملني الخطأ وهو واضح من اللي مخطي مع ان ثاني يوم من تلفظ شكله حس بتانيب (الضمير وحاول يصلح الخطأ و يشتري لي شي احبه لكنني حظرته من الجوال بكل شي وكنت ابي اعاقبه بهالشي بان يبي له قرصه اذن ) وكان ابوي طبعا هو اللي يتواصل معه وبالواجهه ووكلته انا بهالشي بعد اخر شي ارسل ولد عمه عشان يطلب مني اني ارجع لكن ابوي رفض اني ارجع اللا ويجي يعتذر عن كل اللي بدر منه وهذي مو اول مشكله لي معه في مشاكل كثيره ونتصالح مره اخذ جهازي وكسره وكان معصب وخفت منه وهربت لبيت اهلي وحلست ثلاث اسابيع ورحعت من نفسي بعد اعتذار منه ومره تلفظ علي ومد يده لكن هالمره طلبوا اهلي مني انه هو اللي يجيبني لهم لكن رفض يوديني وكان يبي يتصالح باي شكله جلسني ثلاث اسابيع مارحت لاهلي ابدا لان كان حاس اني بتركه في ذيك اللحظه طبعا تصالحنا بعد مااخذت حقي وسمح لي بهالشي بس هذي المشكله كانت بعد شهر ونص من ضربته لي بعدها استخرت وقلت ماراح ارجع له .. زوجي عصبيته مخيفه جدا ومو راضي يطلق يقول لي انا شاريك قبل شهر تقريبا فكيت الحظر من الجوال وبدات ارسل له واحثه على صلاة الفجر وبعدها ارسل يعاتبني عتاب ططويل ويقول لي انتي ماتعرفي تمتصين غضبي وانتي وانتي خطني انا السبب ... وصرنا نتراسل واعتذر لي وكان يبي ياخذني نتفاهم انا وياه بدون احد بس قلت له تعال وقدم اعتذارك للوالد لكن رفض تماما يقول ذا ترضي على زوجك وكرامته لاتطلبي هالطلب واحنا نخل مساكلنا بانفسنا بدون تدخل احد وكررها كثير واهلي يقولون لو شاريك جا واعتذر بس هو مو شاريك ولو عندك كرامه ماترجعي له الا وهو معتذر ومقدم اعتذار لابوك ومايصلح انك ماتحطين اعتبار لابوك وانتي حطيتيه بالواجهه انا اشتقت لزوجي وهو اشتاق لي يبيني ارجع انا واطفالي رغم ان عنده مساوئ كثيره بس محاسنه كثيره قبل اسبوع تقريبا ارسل انه يبي نطلع انا وياه نتمشى فقلت لامي اني بطلع معه ولاول مره تدري اني اراسله فجلست تهاوششني وانها بتعلم ابوي بعدها جا الليل وقالت ان ابوك يقول اذا سوت شي من وراي راح تندم انا ضاقت بي الدنيا ماااعرف وش اسوي في هذي الحاله ابي ارجع لزوجي وبنفس الوقت مابي احطم ابوي لاني حطيته بالواجهه اشتقت لزوجي وهو اشتاق لي للعلم انه حنون جدا مع اطفاله وبار بوالديه