كيف أقنع زوجي بتأجيل فكرة الإنجاب؟

اكتب لكم وانا ابكي قهر على حالي. زوجي يبيني احمل وبنتي صغيره لسى دوبها تكمل سنتين الشهر الماضي,وانا عندي بنتين الاولى ٥ سنين والصغيره سنتين. انا أولد قيصريه ف يكون التعب والألم فضيع جداً.الحمدلله على كل حال.بس من جد الم لحد الحين والم ولادتي الثانيه بقلبي , لاني تعبببت مررره مررره .اللهم لك الحمد والشكر على كل حال. ابيكم تساعدوني كيف اطلع فكرة الحمل من راسه. ولعلمكم احنا باقي في بداية اعمارنا .عمري ٢٣ وزوجي ٢٥ . والأدهى والأمر أن زوجي مايجلس معي أبداً في البيت هو صحيح يهتم من ناحية المأكل والملبس لكن ابدا مايجلس ولايجلس مع بناته ويلعب معهم إلا نادرا فهذا الشيء مأزمني اكثر انو كيف يبيني احمل وهو مو مره مهتم في بناتي ذولا هو يحبهم صح ويجيب لهم اللي يحبونه لكن مايجلس أبداً . طبعاً وقته كله برا البيت مع أصحابه أو أهله ومايجي عندي الا اخر الليل.