أسلوبه السيء معي جعلني أتركه وأرجع إلى بلدي

تزوجت بعد قصة حب طويلة جدا كان هناك مشاكل كتير ايام الخطوبه لعصبيته و عصبيته جعلت اهلى يرفضوه تماما بعد ان كانوا مرحبين بيه و تمسكى به و محاولاته فى اقناعهم نجحت فى زواجنا و هو كتب شيكات بالمؤخر و القايمه و شيك بتمن الشقه حيث انها بمنزلنا و بعد الزواج كل مشكله تحصل بيننا يزعق و يقول مش هعيش فى الشقه و انتى علشان الشيكات بتستقوى بيها رغم ان اقسم بالله عمرى ما استقويت بالشيكات و بالعكس استحملت خناقات كتير منه علشان مايفكرش ان الشيكات دى مأثره عليا بالعكس كل مشكله تحصل بيننا عمرى ما حكيتها لاى حد من اهلى و هو اللى بيتصل بوالدتى يزعق فيها جامد و يقولها بنتك فاكره انها هتكسرنى بس انا مش هيحصل معايا كده مؤخرا كرر اكتر من مره كلمه انا هطلقك فى كل خناقه يقولى انا هطلقك اخر مره كلم والدتى و قالها كلام مش كويس و زعيق كتير انا كنت معاه بره مصر و كانت ظروف شغله انه هينزل اسبوع مصر و هينزلنى قبله بكام يوم و من بعد مشكله اللى كلم فيها والدتى و هو بيقولى كلام وحش جدا لحد و هو بيوصلنى المطار كان جايب اكل ف انا كنت تعبانه جدا و قلبى مقبوض من فكرة السفر و انا متخانقه و انا بطبيعتى بطنى بتوجعنى ساعة السفر فقولتله انا بطنى تعبانه مش هقدر اكل رمى الاكل فى الشارع و فضل يزعق و يقول انتى كافره بالنعمه و انتى احسن منك كتير و يقبلوا باقل من اللى قبلتى بيه و انا هطلقك و فكرى فى موضوع الطلاق من بعد ما دخلت المطار بجد ماقدرتش ارد عليه لما اتصل يشوفنى خلصت ولا لا الاوراق كلم اخويا يكلمنى رديت عليه و اول مره من يوم ما اتجوزت احكى لاخويا من انهيارى و انا دلوقتى عند اهلى و مشكلتى معاه تتلخص فى اسلوبه السيئ و هو كل ما حد يكلمه يقلب الموضوع و يقول انا الوحشه علشان بستقوى عليه بالشيكات و باهلى فمش هيعيش فى الشقه دى و عاوز الشيك و يجيب شقه جنب اهله فى بلد تانيه و شهرين لحد دلوقتى مافكرش يتصل بيا و يقول انا كلمتها وهى فى المطار ماردتش عليا انا دلوقتى مش عارفه اعمل ايه و فى تفاصيل كتير جدا مش عارفه احكيها انا كل ما الوقت بيعدى بيوحشنى بيتى و ان كان نفسي اعمل عائله محترمه و حلوه بس فشلت