إهمال زوجي الدائم يتعبني

السلام عليكم: احبتت ان اطرح مشكلتي لربما فيكم احد يرشدني .. انا متزوجة صار لي سنتين.. مشكلتي مع زوجي مهملني من اول يوم زواج همه الاول والاخير اخوياه وربعه دائما م يسهر معهم ويعزمونه ولا عمره جلس معي يسولف مثل الناس او يقول كلام حلو جاف جدا بالمشاعر ولا عمري بحياتي حسيت اني متزوجة البس احسن اللبس ولا يملي عينه ولا يتغزل فيني شكيت وكانه مغصوب يعيش معي اروح بيت اهلي واهلي يجبروني ارجعله بالغصب انجبت منه ولد م يحبه ولا يحب يلعب معه يحب عيال اخوانه واخته . دايما م يفتعل المشاكل تعبت كثيرا الان انا بيت اهلي لي سبعة اشهر ولا كلف نفسه يسالل عني او عن ولده ولا ودي ارجعله افكر بالطلاق واهلي مو راضين اتطلق يقولون بتعيشين عار علينا ومطلقه ومحد بياخذج،، ارجوكم ادعولي تعبانه نفسيا حتى ولدي صرت م اهتم فيه من كره ابوه له ،،