زوجي يكرهني ويذلني ويدعي علي بالموت من غير سبب

لا أدري كيف أبدأ ولكن سأسرد الموضوع وأوصل لحل بإذن الله.... متزوجة ولدي أطفال الحمد لله وذات دين وعائلة وجميلة الحمد لله تزوجت في بيت عيلة وسأختصر زواجي دام في بيت العيلة لمدة ١٠ سنوات راح شبابي وعمري وصحتي وكل شيء حلو كله راح من حماتي المتسلطة وسلفتي زي التعبان وبيت كله نفاق... المهم إتحملت كثير من تهزيق ومسح سلالم وسماع شتيمتي بأذني وإهانات على الفاضي والمليان زوجي مايحب المشاكل ومش شايف غير أمه ومايقدر يعصيها وكان الأمر من شكواي له تنتهي بكلمة معلش صبرت وصبرت وتحملت أهلي الطلاق عندهم عار وموقفوش جمبي بل بالعكس زودا حياتي هم من عدم إهتمامهم أو مراعيتهم مش فلوس، حتى التعامل البسيط أو السؤال أو التجمعات مش عندهم وده مش معاي لوحدي حتى مع إخواتي هما يعني على بالهم زوجونا وخلاص رسالتهم خلصت...... كنت بقعد أبكي أيام وليالي وأدعي ربنا أنه أنا وزوجي نسافر والحمد لله ربي إستجاب وسافرنا ، وكنت متخيلة إن زوجي هيعوضني سنيني وعمري إللي راح بس للأسف حاله إنقلب معايرة بأهلي وإنهم عمرهم ماسألوا عنه ولاعني ذل وإهانات وضرب على أتفه الأسباب حتى الطلب لما أطلبه عشان يجيبه لازم بالحيلة ويطول عشان في نفسه إنه يذلني ساعات بييجي عليا وقت أحس إنه مسحور والله إستغفر الله لأنه مش هو زوجي إللي كنت راسمة شيء تاني لما نبعد عن المشاكل لأ بيذلني بالأكل والشرب ، وحتى مرة طلبت منه ذهب لأنه ميسور الحال شتمني وقاللي إنتي وقحه ومش متربية ومفيش ست محترمة بتطلب من زوجها ذهب ،، المهم مرضت وأصبحت بتعالج ضغط وقلب من تصرفاته إللي مالها مبرر.. . وعلى الرغم من ده أنا بكلم أهله ومافيش يوم بيسأل عن أهلي ولا بيكلمهم حتى المناسبات أنا مليش ملجأ إلا هو بعد ربنا لاأهلي هيشيلوني ولاأهله.... بس إفترى عليا ظالمني النفس بحساب الأكل وحتى اللبس لو نفسي في شىء بطلوع الروح مع مين أحكي أو أتكلم أنا متحملة عشان ولادي أكبرهم ٨ سنوات ولو رجعني بلدي هعيش وهرجع خدامة تاني تحت سيطرة أمه في بيت العيلة... بيسمع سيرة أهلي بيجن جنونه وممكن أمي أو أبويا لوطلبوا مني شيء وأنا نازلة إجازة يرفض يجيبه أو يذلني عشان يجيبه... أنا تعبت أوي ومليت منه ومفيش مفر لما أعامله بالحسنى والطيب يقولي بتمثلي ولما أتعصب وأخرج عن شعوري يمد يده ويهين ويشتم.....والله بدعي على نفسي بالموت وبعدين برجع أبص لولادي وأحزن عليهم لو سبتهم في الدنيا لوحدهم ... حتى عياله مش حنين عليهم وبالعافية لو إداهم مصروف شخصي في المدرسة... إيه الفرق بيني وبينه أنا شفت المرار والقهر من أهله وأتحملت ولسه لتواصل معاهم وهو ماشاف من أهلي نص اللي أهله عملوه فيني وبيتعامل معايا كده......كأنه إستفرد بيا وبينتقم مني وبيدعي عليا بالموت.... أنا مش مسامحاه ونفسي أترمي في حضن حد يطبطب عليا ويسمعني ... مش قادرة أحكي لا لأمي ولا لأي حد لأن أهلي أكيد سبب في إللي هو فيه بس مش مبرر بتصرفاته وقهره وظلمه ليا.... أنا مش مسامحاه أنا كل يوم بنام معيطة.... إدعولي وأعطوني حل لأني أقسم بالله إني مجبره على العيشة معاه عشان ولادي......