هل حرام ان ترفض الزوجة التعدد؟

مشكلتي طويله شوي بداية انا متزوجة ولي 6سنوات ولي طفل زوجي انسان طيب وحنون وغيور وتفكيره غالباً بالعقل ومعقد تفكيره مشتت وافكاره كثيره ومتسرع وواثق من نفسه

حياتي مع زوجي مرت بظروف كثيره اولا اتزوجت وسكنت في مدينة1 مدة ست شهور ثم انتقلت لمدينة2 ثانيه موجود فيها اهلي مده سنتين ثم منزل اخر3 لمدة ست شهور ثم منزل اخر 4 مدة ثلاث شهور ثم انتقلت لدوله اخرى5 (البحرين) لا يوجد بها اهلي مدة سنه ثم سافر زوجي عدة سفريات وجلست عند اهلي وطوال فترة زواجي وهو كثير السفر اخر شيء سافر دوله اوربيه لصعوبة العيش وبيدرس لغه وبيحاول يجيبنا بس الى الان يقول مو مناسب لان 80% من وقته مشغول بالدراسه لمن كنت في البحرين كل شهر او شهرين باجي زياره لأهلي ولمن كنت في نفس المدينه اللي هم فيها كل كم يوم او شبه يوميا وانا عندهم هذا الشيء اثر ع علاقتي بزوجي بس وقتها ماكنت منتبهه وهو بنفسه كان يحب يوديني لهم لكن الان اكتشفت انو وانا في بيتي 4 فكر يتزوج وتقريبا بحث وانا في البحرين ايضا فكر انو بتزوج

زوجي سفرياته كثيره شروطه الممنوعه بيفرضها علي كثيره منعني من زيارة الناس ومن صديقاتي كان المتنفس الوحيد لي هم اهلي مع انو ماكنت متعلقه فيهم كثير اول ماتزوجت بس لمن هو منع عني النت التلفزيون زيارة الناس و تواصلي مع صحباتي كنت اطفش واضيق جدا واتعلقت في اهلي كثيييييير ولمن جبت طفلي كنت امل طول الوقت انا وهو ولازم اكون مروقه عشان اضحك معاه واللعب معاه ولمن رحت البحرين افتقدت اهلي جبلي نت وتلفزيون بس كنت طول يومي لوحدي وهو بالشغل حتى لمن نخرج اقله نفسي اتعرف ع حريم اتكلم معاهم اخذ واعطي مع الناس خاصة انو هو كلامه قليل فكنت مع الطفش وطول الوقت محد يتكلم معاي اتنكد وهو كان يجيبني لاهلي  سفريات زوجي كثيرة كثيييييرة ابدا مايحب الاستقرار لازم كل فتره يسافر وماكان ياخذني معاه بس كنت اتحمل واصبر

اتحملت طبيعته وكنت اسكت وماابين ومااحب اجرحه.. ومره سار موقف نفذ صبري فيه انفجرت وقلتله مني مسامحته ع تشدده علي وكل شيء ممنوع واني تعبت هو حس زي الصدمه ماكان حاسس ابدا اني متحمله عشانه اشياء كثيرة وشايف انو كل شيء يسويه من حقه وطبيعي ولمن قلتله كذا قالي لو حياتك معاي مسببلك تعاسه شوفي غيري انا مااجبرك تعيشي معاي وانتي صغيره وحلوه والف واحد يتمناكي وانا احبه ومااتمنى غيره وقلتله ذا الشيء دحين مسافر لدولة اوربيه وله 4 شهور والى الان ماصار شيء انو يستقدمنا انا وولده جالسه عند اهلي مكرمه الحمدلله لكن انا الوحيده في العايله اللي زوجها كذا سايبها حتى شقه مااخذلي ووضعي مو مستقر كان الكل يتكلم وابين لهم انو عادي واني مبسوطه واحاول افكر بعقلي واقول زوجي واوقف معاه بالرغم اني رافضه السفر لدوله اوربيه وأهلي وابوي كان جدا معارض سفره وقالي رح يروح ويطول و يقلك بتزوج ويخليكي هنا الخ لكن في النهايه مارح يقدرو يجبرو ابن الناس يجلس هنا كنت اقلهم زوجي غير هو مايتبع شهوته وهو رايح لهدف يأمن مستقبلنا ودايما ادافع عنو الى جا يوم ويقلي انو يدور يتزوج مسيار ومالقى ودور ومالقى انا انصدمت حسيت اني انخذلت منه المشكله انا اللي اعرف الرجال لمن يتزوج يكون عنده قرشين وضعه مع زوجته وبزوته طيب مؤمن لهم حياة طيبه مو كذا تاركني وديون لفوق راسه وموداري عن ولده اللهم يرسل فلوس وبس وقدني اقتصد قد مااقدر عشان لا اضيق عليه في النهايه يكافئني كذا

قالي انا احبك وهذا ماله دخل بالحب الرسول صلى الله عليه وسلم اتزوج 9 واحب النساء له عائشه يقلي انا قد خيرتك تعيشي معاي او تشوفي غيري بعدين رجع يقلي هذي جرعه ودرس وانتي لازم تتقبلي شرع ربنا المشكله هو مره يحبني وانا احبه انا قلتله انت لو اتزوجت انا مااتحمل اعيش معاك هذا الشيء فوق طاقتي امي ابوي اتزوج عليها عشنا ألم وبكي وضرب وظلم مستحيل اعيشه او اعيشه لولدي يعني الموضوع ماجا ع الغيره بس عشت ظلم كبيييييير  قالي ممكن انا ماابغا اتزوج لكن لو ربي كتب اتزوج بعد 10 او 20 سنه بتقولي ضيعت شبابي معاك قلتله وممكن ماتتزوج غيري ليه ننغص حياتنا وممكن بعد 10 او 20 سنه انا اهتماماتي تتغير والزمن بيغير الإنسان وانا بنفسي ممكن اقلك تتزوح او الموضوع مايكون عندي زي حاليا اخواني اتدخلوا وكلموني ع اساس يتكلمو معاه انو لو سافرت له مايتزوج علي ( بس انا قلتلهم انا اعرف طبعه لو هو ماكان ناويه واحد يجبره ويفرض عليه بيعاند فقلت لا تكلموه كلموه بس لايقعد يفتح معاي الموضوع كل شوي) وفي نفس الوقت قالو لو اتزوج انتي ايش ردت فعلك لو تبغي تطلقي ليه تعيشي معاه سنين كمان وانتي عارفه انو بيتزوج وترجعي تطلقي وتكون خلفتك زادت المشكله انا ماكرهته عشان اتركه وهو قال كلام يعني مو اكيد وانا مااعرف ايش اتصرف هو حاليا تأشيرته انتهت مايقدر يرجع ابوي عصب لمن عرف انه مو راجع قال لازم ينهي الامر ولا يطلق مايعلق بنتي كذا

انا في كرب ربنا عالم فيه ماادري افكر بموضوع الزواج او لو انا سافرت هناك كيف يكون وضعي وحيده ماعندي احد وهو يقلي هناك ماتقدري تتعرفي ع احد الرجال والحريم عندهم دوامات محد مو فاضي يتعرف وهل دول اوربا تسمح بتعدد الزوجات سواء موثق او مسيار لا تقولولي اتطلق انا مااقدر لان حياتنا طيبه وماسارت ذيك الأمور اللي تحوج للطلاق وبنفس الوقت خايفه منجد اني اروح له ويتزوج هو مايتزوج كشهوه لو رحت له هو ممكن يتزوج انو يبغا وحده مطوعه وبيتوته وداعيه للناس وتهتم بزوجها وبزورتها وتدرس وتتعلم وتتثقف وهادئه وضعيفه وجريئه وقويه الخ وذي الاشياء مارح تكون في شخصيه وحده فممكن يعدد رغبتة منه في تعدد الزوجات وانو هذا الشيء شرع ربنا وع قولته الحريم اكثر من الرجال وعشان تكون فيه موازنه لازم من التعدد حتى من فتره سوا زي ندوه عن تعدد الزوجات وفوائدها وهو القاها والناس اعجبت فيه واكيد ذا الشيء اثر فيه مع العلم بعد سنتين من زواجنا قالي انا لا يمكن الاقي وحده زيك وانو مايفكر يتزوج بس حسبي الله ونعم الوكيل للي مايحب يترك زوج وزوجته مرتاحين مع اني متأكده لو اتزوج وتركته مارح يتحمل مو شوفة نفس بس هو جدا صعب ومو اي وحده تتحمل شخصيته وقتها بس رح يعرف قيمتي بس انا صعب ارحع اعيش لو هو اتزوج علي  والله يخليكم ويسعدكم ادعولي انو ربي يقنع زوجي في ويصلح امورنا ويجمع شتات امرنا ربي اعلم بحالي والهم والحيرة اللي فيني محتاااااااااره ماأعرف ايش اسوي اللي يقلي اتطلقي واللي يقلي اتنازلي وكلو صعب صعب صععععببببب وفي امور كثيرة ماذكرتها لعدم الاطاله اكثر من كذا ومشكورين موقع حلوها