زوجي سلبي ولا أستطيع التعامل معه

السلام عليكم ... مشكلتى شوي غريبة بدت يوم خلصت جامعة وانخطبت حق ريال ماشاء الله وايد مواصفاته مناسبة وتم الزواج من سنه تقريبا. وحاليا أفكر بالطلاق هذا الانسان مسالم وطيب وكريم لكن مشكلته يوم يرد من الدوام يرقد الظهر وبعدين يقعد على البلاي ستيشن لين فالليل! انصدمت بحياتي شو أسوي ما خليت شي ما حاولت وياه. لا سوق لازيارة لامطعم كله يقول سيري روحج. وسيري بروحج او اي حد من ربيعاتج استانسي...وخليني اكمل اللعب انا مب فاضي . بعدين قلت فترة وبتعدي وما شي يتغير يوم الأحد مثل يوم الخميس مثل الجمعة الحياة كلها لعب. حد يتخيل انه هاي مصيبتي وما يشوفني غير عند النوم والعلاقة طبيعية بس شو هالحياة وشو المستقبل معاه تعبانه وابغى حد يساعدني . والمصيبة انه اهلي او أهله ما حد شايف انه الموضوع كبير عادي يقولون وانا كل يوم أموت قهر.