زوجي إنسان رائع ولكنه يحب الكذب كثيراً، فما الحل؟

زوجي انسان خلوق ورائع بمعنى الكلمه بس فيه طبع الكذب يعني بيخرج بدري من عمله ويقابل صاحبه تقريباً كل اسبوع ويقولي ان كان عنده اجتماع في العمل ومابيرد على اتصالاتي بحجه انه ماعرف يرد علشان عنده شغل وبتأكد من عدم صحة كلامه عن طريق هاتفه يعني لما بيرجع من الشغل بلاقي مراسل صاحبه على الماسنجر انه هيتقابله اليوم وبلاقي اتصالات بينهم بتأكدلي انهم كانوا مع بعض وفي كذبات تانيه بشوفه بيكدبها قدامي على الناس وساعات بواجهه بكدبه ويقولي مش هكدب وبرضه بيكدب مش عارفه اعمل معاه ايه حتى مش عايزه اوجهه اني بشوف حاجات على موبايله بتأكدلي انه بيكدب علشان ماياخدش احتياطاته انا عارفه ان التجسس حرام بس انا ببقى عايزه اتأكد انه بيكدب عليا ولا لا ودي الطريقه الوحيده اللي بعرف بيها وغصب عني لما بكتشف كذبه مش بعرف اواجهه وببقى مخنوقه منه ومش طايقاه ومش عايزه ابينله علشان لو عرف اني بتجسس هياخد احتياطاته وبرضه هيكدب تاني اعمل ايه دلووووني