زوجي يتصرف كالغريب مع أولادنا، فما الحل؟

السلام عليكم ورحمة الله وبركاته انا امراه فى الأربعين من عمرى تزوجت فى بداية دخولى الجامعه لى أختين متزوجين واخ يكبرنى متزوج وكنت الاخيره الى عائشه مع امى المريضه بالفشل الكلوى ولما حست انها قرب أجلها اصرت انى اتزوج تزوجت عشانها بشخص لم أراه غير مرتين قبل الزواج وسافر ورجع بعد تلت شهور للزواج وكان التواصل مجرد رسايل وماتت امى قبل زواجي بشهر واصروا اخواتى بتكملت زواج بحجة هتعيشى مع مين وخلاص كل شىء مجهز للزواج بدءت اتعرف على زوجى بعد الزواج اول شىء اكتشفته انه بخيل وانانى مش بس فى الفلوس فى مشاعره جفاء وبس عنده المراه تعطى وهو شغلته ياخد للاسف حملت من اول شهر ببنتى وسافر وتركنى لدراستى وانا تحملت مسؤليه دراستى وبنتى ونجحت وخلصت اداب انجليزي وقلت ضرورى يتحمل معايا المسؤليه غير الجفاء الى بينه وبين بنته لازم تتربا معاه سافرت وبسبب بخله اشتغلت وحققت فلوس كتير كلها كان بياخدها بس كنت متحمله علشان بنتى وكمان خلفت بعدها اخوها وكنت بقول اهو كله علشانهم المهم انهم مش ناقصهم حاجه ولكن كان ناقصهم اهم حاجه وجود الاب رغم اننا عايشين مع بعض لكن معرفش شىء عنهم ولا بيشاركهم فى شيء ولا حتى الفسح انا اخدهم ويوصلنا ويرجع البيت لما نخلص يرجع يوصلنا للبيت عمرى ما شفته بيبوس عيل أو يطبطب عليه دلوقت عيالى كبار مشكلتى فى نفسيتهم ابنى شب بيضيع حياته محتاج اب فى حياته كل الى عاوزه يفضل نايم فى البيت على أجهزة الكمبيوتر مش عاوز يكمل فى الجامعه مش عاوز يشتغل مش عاوز غير يفضل نايم ويصحى للاب وقليل ما يخرج مع أصحابه هتقولى فين ايوه هقولك فى البيت معانا وشايف بس مش شاغل باله يقول كل واحد يشوف حاله هتعب نفسى ليه ويجيلى مرض وله تعب محدش ينفعنى ده رده اعمل ايه علشان ابنى صبرت كتير علشانهم حتى شغلى وتعبى فى الغربه كله اخده وقلت معليش اهو لعيالى دلوقت العيال الى صابره علشنهم برضو بيضيعوا