تحملت الكثير على أمل أن يتغير لكنه يزيد في ظلمه وجبروته

انا جوزي اتقدملي من سنتين ونص واتخطبنا وكتبنا الكتاب وقبل كتب الكتاب بيوم صارحني أنه عمل محرمات كتير قبل مايعرفني طلبت منه لو عايزني اكمل معاه يوعدني أنه يبعد عن أي حاجه حرام ووعدني وبعد كده اكتشفت أنه خان الوعد ده كلمته ووعدني تاني وبعد كده سافر عشان شغله وبعدين تتجوز في فتره سفره كل يوم يتخانق معايا عشان يزهقني وابعد عنه عشان حاسس أنه ماديا مش هايقدر يسعدني واستحملت وكملت وصلني لمرحله إن كنت بتمنى الموت ودوست ع نفسي وكملت واتجوزنا بعد كده بدأ يبذل كل جهده عشان يكرهني في اهلي ويفرض اهلي بكل مساؤهم عليا وكل والتاني مشكله جديده وع أتفه الأسباب مجرد اني ابدي رأي مختلف يتخانق معايا ويتكلم ع الإنفصال حملت وربنا رزقني ببنت ومكمله بدأ أهله يتدخلو في حياته اكتر استحملت ومافيش فايده بدأ يقارني بكل اللي حواليا ومحسسني اني ولاحاجه مع العلم ان ماديا صفر وحتى ماجبليش عفش ولااي حاجه ورضيت ومافيش فايده حاليا طردني من البيت وحلف عليا بالطلاق لاني من وجهة نظره مش متربيه عشان برد عليه واحنا بنتخانق وده لاني تعبت جدا ومافيش طاقه اسمع واسكت زي الاول طبعا هو سابني اسبوعين عند اهلي من غير مايعبرني وده خلال العيد وبعد كده كلمني وطلب اروح عند المؤذن عشان يطلقني ولما تجاهلته جالي البيت طلب يشوفني من ع الباب انا وبنتي وماطلعتش لاني خوفت يطلقني لاني متهور حاليا انا مش عارفه اعمل ايه وخصوصا أن أهله مش في دماغهم ولابيته يفرق معاهم ولا عنده ينصحه ساعدوني