زوجي عصبي ولا أستطيع تحمله

السلام عليكم ورحمة الله انا متزوجه من 6 سنوات ولدى طفلين ولكن للاسف غير قادره على التفاهم مع زوجى بسبب عصبيته الزائده وصوته العالى جدا امام الناس وحتى فى الاماكن العامه حتى ابنائى نفسيتهم تعبت جدا من سوء تعامله معى وبجد انا مش قادره اتحمل طول فترة زواجى معه وانا بضغط على اعصابى وعلى نفسى عشان اولادى يتربو فى وسط ابوهم وامهم بس خلاص تعبت مش قادره اتحمل وخصوصا انه بيزيد لدرجة ان حتى اخوه بيتكلم معى بطريقه مش كويسه وكمان تعبت من تدخل اصحابه فى كل حياتى حتى اخص خصوصياتى بيدخل اصحابه فيها ولو اتكلمت معاه يقولى عادى حتى اهله بيدخله فى كل حياتى ووهو السبب واى حاجه اعملها عشان أأمن غضبه ومحاوله منى للقرب منه يعدها على انها غلطه منى وطول الوقت يشتكى منى بسبب او بدون سبب مع العلم ان اى خير هو فيه دلوقت انا بعد ربنا السبب فيه وللاسف بينكر اى شئ كويس انا بعمله معاه ومع ذلك متحمله اى حاجه عشان خاطر اولادى لكن هو مش بيفكر نهائى فى اولاده بل بالعكس طول الوقت مش بيفكر الا فى اخوه واخته واولادهم والعاوزينه وهما طول الوقت بيستنزفوه وهو حت مابيقولش لحد لاء حتى اخته ميسورة الحال بل هى ظروفها الماديه احسن منه الف مره بس هى بتوفر لجوزها وبتستنزف اخوها وبردو دى مش المشكله مشكلتى معاه انه ضعيف الشخصيه وتخيل ان الصوت العالى هو الرجوله وبكده يكون امام الجميع راجل وحاولت اتكلم معاه كتير جدا لكن للاسف بيزيد وصل بيه الامر انه يهنى ادام امه واخواته وسليفى واخيرا لما حب يسيب السكن بتاعنا واحنا مسافرين يخلى اصحابه هما ال يلمو لبسى وخصوصياتى واتكلم معاه واقوله ينفع اصحابك الشباب يطلعى على الاشياء الخاصه بتاعى يقول عادى بجد كل يوم بيعدى بحس بالندم على االاختيار الخطاء وبجد مش قادره اكمل معاه بس اولادى متعلقين بيه جدا وانا مش علرفه اعمل ايه افيدونى بالرد وبعتزر علو الاطاله