كنت له المرأة العاقلة والمطيعة لكنه تركني وتزوج من حبيبة طفولته

خلوني افضفض ليكم يمكن حد يكون عندو عزاء ليا في حالي الي وصلتلو مع زوجي الي عشت معاه ١١سنه كأني طفله تالته ليه هو الحقيقه كان اكنو اب ليا وللاولاد شايل عني هم كل حاجه يعني هو الي يشتري كل حاجه وهو الي يقرر كل شئ خاص بالبيت حتى مدارس عيالي هو الي اختارها وهو الي يودي التدريب انا بس انزل لو هو مش فاضي شخصيتو قويه جدا لكن كان حنين جدا وناجح ومحبوب من الكل والوضع دا بصراحه كان مرييحني حتى لبسي كان بيختارو معايا وانا كنت سعيده بس في المقابل القرار قراره والكلمه كلمته وانا مكنتش احب اعارضو وحاسه انو حمايه ليا ولاولادي لغايه ملقيتو جايلي في يوم وبيقولي بمنتهى الهدؤ انو هيتجوز وان دا قرار ومش هينقشو مع حد واني مفيش حاجه هتأثر على البيت وعليا بالذات ان هو هيتجوز واحده عايشه في مدينه ساحليه بعيده جدا انا نزلت نديت والدو لقيتهم عارفين وقالولي احنا مش هنقدر نمنعو ودا شرع ربنا لميت هدومي ورحت عند اهلي قعدت اسبوعين طبعا هو مغلبش فيهم كل الحكايه جاب واحده شغاله تخدم العيال عرفت قمتي في حياتو ساعتها ولما جه علشان ينهي المشكله قال لولدي ان جوازو خلاص هيتم وانو مش هيتراجع وفي نفس الوقت هو متمسك بيا وعايزني ارجع والدي قالي ليكي حريه الاختيار بس لو اطلقت هو مش هيربي اولادي اني لازم اسبهم لابوهم هو اولى بيهم وعلشان يكون عندي فرصه اتجوز تاني فقررت ارجع مع جوزي واقبل بالوضع دا لما رجعت كان هو هيسافر ليها بعدها بايام علشان يتمم الجواز اختو الكبيره جاتلي وقالتلي انو بيتجوز واحده قريبت امو كانت عايشه في البلد قبل الجواز واتجوزت وسافرت مع جوزها الي مات من٥سنين وهي كانت صديقه طفولتها وايام الجامعه وطبعا عرفت الباقي ان البيه جوزي كان واقع في غرامها طول طفولتو وشبابو وهو نفسو الي رفض يتقدملها لانها باختصار انسانه ناجحه جدا ومتفوقه وشخصيتها قويه وفضل متردد لغايط ما هيا وافقت على جوزها ومشيت طبعا هي موظفه ناجحه وجوزها ساب ليها تجاره كبيره هي الي مشغلاها وعايشه لوحدها مع اولادها الي اكبرهم داخل ثانوي واخوها اقنعها توافق بالجواز من جوزي حمايه ليها لانها عايشه وسط عرب وحوليها ناس طمعانين فيها يعني انا علشان عشت تحت طوع جوزي ولغيت شخصيتي راح دور يرجع للست القويه الي حكمت عليه ميروحش ليها الا مره واحده في تلشهر يقعد عندها يومين بس علشان ولادها وكمان بيقعد معاها في شقه في عمارتها غير الي ولادها قاعدين فيها وممنوع يصرف على ولادها بقالو دلوقتي ٤شهور متجوزها هو الوضع مش مأثر على البيت كل حاجه زي ما هي زارها٣مرات بس انا بقيت افتح تليفونو وهو نايم واشوف محادثاتو معاها كلها غزل وحب وان بعدو عنها تاعبو وهي متحفظه جدا معاه لدرجه انو قالها انتي وافقتي عليا علشان تنتقمي مني انا والله فيه نار في قلبي وبلوم نفسي اني عملت فيها كدا يمكن لو كنت زيها كانت مليت عينو