صدمتني منشورات زوجي على فيسبوك قبل 5 سنوات

السلام عليكم انا علي حافة الطلاق انا جوزي خلاص وانا اللي طالبة طلاق وهو مرضيش فرفعت قضية وماشين فيها طلبت طلاق بسبب سوء المعاملة ودايما يقلل مني ويهيني بكلام كتير ومش مهتم بيا ولا بالولاد عايز طول اليوم البيت ساكت والولاد ميلعبوش ميطلعوش صوت نهائي لو حد جري ولا اتنطط يزعق بيقول دايما انه بيحبني وميقدرش يعيش من غيري بس مش لامسة ده منه نهائي فين الحب ده الحب اهتمام ومودة ورحمة وسكن ولما اتعب يقف جنبي مش يحسسني اني حمل عليه انه يساعد معايا فالبيت قدر المستطاع يحب ولاده مفيش حاجة من دي علي طول زعلان ومخنوق وشكاي من كل حاجة المهم حاليا هنطلق خلاص بس من جوايا صراع نفسي رهيب ومش عارفة ليه كده مع اني استخرت وكنت ماشية مرتاحة فالطلاق لكن دلوقتي بشوفه بحنله بس بردوا خايفة ارجعله وغير ده علي طول يقولي بحبك ومحبتش غيرك وانتي اول ست في حياتي بس كلامه مبيوصلش قلبي بدور في صفحته عالفيس لقيته كاتب بوستات من ٥سنين يعني قبل جوازنا انه بيحبها وانه بيموت فيها وأصحابه بيقولوا له ايه التطورات قلبي اتقطع من جوة بقيت بعيط عياط هستيري يعني انت بتكدب عليا وبتمثل عليا الحب وانت اصلا كنت بتحب قبلي هتجنن وقلبي واجعني اوووي وفي نفس الوقت بقول هرجعله ازاي بعد محاكم وقضايا عمرنا ماهنرجع زي الاول