حياتي الزوجية دمرت بسبب بنت عمي

كنت زى اى بنت بحلم بحياة زوجيه سعيدة وفعلا اتعرفت على جوزى من ثلاث سنين واتجوزنا فى شهر ١٠ الجاى هنكون متجوزين بقالنا سنتين بالضبط هو مش مصرى ويعتبر نصه عربى هو امريكى الجنسيه وامه هى اللى عربيه جنسيتها سعوديه كان صعب عليا ان اسيب اهلى وبلدى واعيش بره مصر على الرغم من ان انا شغلى بيطلب منى سفر دايما خارج مصر بس كان الموضوع صعب عليا وجوزى كان متفهم الوضع جدا وكنا كل فترة بسيطه ننزل مصر ونقعد حوالى ١٠ ايام فى خلال اجازتنا المستمره لمصر بنت عمى قربت من جوزى وبقوا يخرجوا سوا ويسهروا بره سوا ودايما كلام على النت انا كنت شايفه الموضوع عادى وان هى زى اخته بس اللى اتاكدت منه ان مشاعرها ناحيته مش مشاعر اخوه وجوزى حبها جدا وبقى معتبرها حاجة مهمه فى حياته وهو بيتعامل معاها بتلقائيه زيادة عن اللزوم لدرجة ان بيجرحنى اقرب موقف كنا فى مره خرجنا انا وهو واختى وجوزها واخويا ومراته وعيالهم وبنت عمى دى وروحنا ناكل فى مطعم وجوزى زوقه فى الاكل غريب شويه عن زوقى وكنا فى المطعم بناكل وهو طلب اكله اول مره اسمع عنها اصلا وشكلها كان مخوفنى اكلها وهو كان مصمم يدوقنى وانا وهو بنتكلم ونضحك لقيناها ادخلت وبتتكلم وهى مبهورة انها لقت حد بيحب الاكله دى وجوزى انبسط جدا ان حد زيه وقالتله دوقهالى كدا وفعلا جوزى اكلها بأيدة واتحول الموقف بين واحد ومراته للمنظر داه زعلت جدا والعيد اللى فات كانت خطوبة بنت عمتى وانا وهى قريبين جدا من بعض فكنت بخرج معاها عشان تجهز لخطوبتها وجوزى كان بيخرج وانا بره عادى الخطوبة كانت اول يوم العيد يعنى اول امبارح فبنتكلم انا ومجموعه بنات وبنت عمى وسطنا والبنات بتشكر فى فستانها لقيتها بتقولى عجبك قلتلها يجنن عليكى يا حبيبتى قالتلى ما هو زوق جوزك البنات كانوا عمالين يغمزوا لبعض ويبصولى وانا ابتسمت وقلت مش هزعل نفسى وعديت الموقف وبعد شوية كنا بنتكلم انا جوزى وانا كنت بوشوشه فى موضوع وهو حاطط ايده على وسطى وشددنى عليه وبنتكلم وهو عمال يبوظ الطرحه ليا عشان كان شعرى من قدام ظهر شويه وهو عمال يقولى ادخلى اعدلى حجابك جوا وانا بدايقه وبنهزر بوظلى الطرحه خالص عشان يغطى الحاجة البسيطه اللى بانت من شعرى وبعدها شدنى لحضنه بس شميت ريحه غريبه جدا رجعت بسأله قالى انه برفان جديد وبقولوا اشتريتوا امتى قالى ان بنت عمى جابته هدية ليه ادايقت ودخلت اعدل الطرحه ولما خرجت لقيتها واقفه معاه بيتكلمة و قالتلى ايه رأيك فى البرفان داه قلتلها ريحته غريبه بس ايه المناسبه قالتلى عادى اصل حبيت الريحه دى اكتر عليه اتعصبت ولما روحنا اتخانقنا خناقه كبيره و اتكلمت فيها عن علاقتهم اللى معدش ليها مسمى وان تدخلها الزايد فى حياتنا وحتى ادخلت فى حاجات من مسؤليه الزوجه وبدات تبين ان مبنهم حاجات مشتركه وقالى انتى مجنونه وسابلى البيت ومشى اتصلت باخويا الفجر حكتله اللى حصل جيه يجرى ولان اخويا ليه علاقات كبيرة فى البلد قدر يوصل ان جوزى مخرجش بره مصر وعرفنا كمان مكانه قاعد فى فندق اخويا راحله وكلمه جوزى رفض انه يرجع وقالوا ان انا بقالى فترة متغيره من غير ما يعرف السبب وادام الوضع مدايقها كانت تيجى وتعاتبنى براحه مش كنت كل ما نخرج سوا فى حته وتكون بنت عمها فيها الاقيها قلبت وشها وجوزى قرر يحجز تذكرة ويرجع امريكا وقاله لو اختك حابه تفضل فى مصر شوية براحتها ولو عايزة ترجع امريكا زى ما هى عايزة اخويا رجع من عنده بعد ما كان متعصب منه بقى متعصب منى انا قالى جوزك مكنش فاهم سبب تغيرك معاه وزعلك المستمر وقالى لو كانت قالتلى ان داه اللى مزعلها صدقنى كنت هحترمها وهحترم مشاعرها وسافر تانى يوم كلم اخويا فيه وفى نفس اليوم بنت عمى سافرت بس على كيارة تانيه واخويا حجزلى وسافرت بعدها على طول واخوا كلم جوزى وعرفه نزلت المكار لقيت جوزى ومنتظرنى وخد منى الشنك من غير يا قولى اهلا حتى ولا نطق ولا حرف ركبنا العربيه هو ساكت خالص حاولت افنح كلام كان بيقفل وىدود مختصر ولما رحعنا دخل نام فى اوضه تانيه ومبقاش بيتكلم نعايا نهائى اتكلمت واعتذرت وعاتبت وهو قاعظ ساكت ولا اكنى بتكلن مبقاش بيبصلى حته اكل وبياكل لوحظه حتى لما ضومنا الايام اللى فاتت كان بيفكر لوحده حتى مقربش منى من وقت ما رجعت كنت اروح تحضنه ببعد عنى هو مقالش غير حاجة واحظه من بعد المشكله الثقه لو اتهزت يبقى العلاقه ماتت سواؤ صداقه اة حب او اخوه احنا نزلنا مصر يوم وقفة عرفات عشان اختى ولدت وهو نزل معايا بيتعامل حلو حدا مع اهلى بس قطع علاقته ببنت عمى لظروف شخصة ولاد اخواتى و اخويا ومراته قاعدين معانا فى البيت اللى انا وجوزى بنقعد فيه فى مصر فجوزى مجبر انه ينام جمبى فى نفس الاوضه بينام وبيتعامل معايا على انى هوا معاه بقيت استنى لغاية ما ينام عشان احضنه وانام فى حضنه زى ما هو معودنى انا دمرت بيتى وحياتى احنا بقالنا فترة كبيره على الوضع داه مبقتش عارفه اتصرف معاه ازاى تعبت بس مفروض يعذرنى انا انجرحت بما فيه الكفاية و كنت بنام معيطه بسبب بنت عمى وهو معنتش عارفه اتصرف انا فعمت اخويا اننا خلاص اتصالخنا وحتى بنتعامل قدام اى حد ان علاقتنا كويسه ومفيش بنا حاجة