زوجي قتل حبه في قلبي بسبب افعاله السيئة معي

السلام عليكم متزوجة من اربع سنوات عمري ٢٢ عندي طفلين تعبت من قلة احترام زوجي لي و انتقاده لي بشكل دائم، المشكلة انو كل ما صبرت على معاملتو المتسلطة عم يضل هيك و عم يقلي كلام بشع كتير أثناء الخلاف و اذا قلتلو ليش عم تحكي معي هيك بقلي حيونة الناس يلي حواليي من معارف و اهله دايما يقولون اذا عملي هو مشكل بسبب اطفالي الذين اعمارهم لا تتجاوز ٢ و ١ يلوموني انا شو اعمل يعني اربطن بنتي يلي عمرها سنتين بتاذي كتير بقولولي اضربيا بس انا ما بضربا ابدا الحمد لله بس بنضف محل ما كبت او كسرت و بحاول بعد عنها الاغراض يعني والولدين بدن كتير شغل والله بنضف البيت دايما و برتب بس بالنهار بكون اوقات عم اطبخ بيجي ايام بلاقيها كابة الالعاب بغرفة الاعدة او هديك المرة ما ساوي الغداء فتت على غرفة الجلوس كانت كابة البصل بالأرض وانا كنت مشغولة اجا عالبيت و فات على غرفة الجلوس بطل ياكل بحس انو ما بيحس فيي ابدا ولا بيهتم بمشاعري بيجرحني بالحكي انا كنت حبو اول شي بس ما توقعت يعاملني هالمعاملة حاسة حالي مظلومة ما اذا قلتلو مثلا كان عم يقلي وين دوا الصغير بقلو البنت كبتو بالصدفة يعني بتصير عليها مشكلة هي الشغلة اذا صار اي شي معي ما بيقبل اي عذر، انو بنتو اذت مع انو انا لحالي بالغربة عم رببهن والله ما حدا عم بساعدني الطفل بدو كمان وقت للرضاعة و الشيل و دايما بيلومني عم بيعمل مشاكل عم حاول جدد الحب بيناتنا بس هوي باهانته الي عم يقتل كل شي عم حس حالي بلشت اكرهو انا كل يلي بدي ياه انو ما يطول لسانو معي انا ما بيهمني الحب الاحترام هوي يلي بيدل عالحب و وقت الي منهدا بيطالع حالو متل الشعرة من العجين ما بيعترف بغلطو و اهاناتو الي عندو المرا بس لازم تعطي بقلي انا بدعس على راسك وقت منحكي بس بقول يلا كتر خيرو عم يصرف عالبيت عم فكر ارجع لعند أهلي انا و اللولاد فترة يعني بس انا حتى ببيت اهلي ما خرج اقعد عندن لانو في مرت ابي والله مليت من الذل