كرم أخلاق زوجي يجعلني أنسى تجاهله لي

زوجي غامض ! عشرة عمرها ٧ سنين ولسة ما بفهم زوجي. هو شاب ثلاثيني عصامي ..متدين بيصوم ويصلي حنون معى ومع بناته ومع اهله وامه وبيشتغل بدوامين بيروح كل يومه بالشغل..هو شخص ما بيحكى الا للظرورة وبيرد فقط ب اى او لا ونادرا جدا ما بيحكى جملة هههه الي بيسمعنى بيقول كلامى فيها مبالغة ولكنه ليس كذلك. قبل الزواج كان لدى حياة اجتماعية كان عندى صديقات وقريباات ومناسبات وبعد الزواج بسبب ازعاج اهله الي تركت الكل.احس بالوحدة حتى اهلي ما ازورهم الا كل اسبوعين او ثلاثة اسابيع مرة وكلها ساعتين وارجع لبيتي.. امي بتحس فيني بتتصل تقلي اذا مليتى رح بخلي حدا من اخوانك يجيبك لعنا. وسبحان الله رغم انو هيك كتوم وغامض الا انى ما بتحمل روح لاى مكان بدونه ..بيقلي رح بتركلك السيارة وين مابدك روحى.. بظل فكر ساعات لوين بدى روح انا سعادتى معه والله بحسد رفقاته بس حدا من رفاقه يتصلو عليه بيظل يحكى ويضحك معهم ساعات ومن فترة وهو ورفاقه اتعودا على لعبة بوب جى حتى الان وانا اكتب لكم هو بالغرفة الاخرى بيلعب معهم وفاتحين المايكات ويسولفو. وانا فتحت معه حوارات وفهمته انى بحاجته بدى احكيله عن يومى وافضفض له بيقول اوك احكى عم بسمع جربته كتير وحكيت ساعات وساعات وهو بيسمعنى بس ما بيشاركنى الحكى.مرة قلتله بينك وبين مرض التوحد شعرة ضحك قلتله اديش حلوة ضحكتك ليش بتحرمنى منها. من وقت ما تعود على لعبة بوب جى تركته ع راحته وانا كل يوم عم بتألم اكتر بحس انو بعد ما ارتحت اشوى من هم اهله صرت اشيل همه..وعلى فكرة ماديا ما يبخل عليي وع بناته الحمدلله ولما بيرجع بيبوس بناته وبيلاعبهم. حتى بايام الجمعة صار بيكره يطلع لبرا يغير لنا جو بيقلي انتى خدى السيارة واتفسحي انتى والبناات وانا والله لولا مؤمنة الحمدلله ومتدينة لكنت رحت كل مكان وما سألت عنه كمان .بيوم هددته بكلام غبي ورده خلانى اندم بس قلت يمكن احرك مشاعره.. قلتله طول اليوم انت مو بالبيت شو عارفك بغيابك انا شو رح اعمل قالي انا اثق فيكى واحترمكى ماتخلينى اندم .. نبل اخلاقه بتخلينى انسى تجاهله الي بس احساسي بالوحدة شو اعمل فيه؟ وبارك الله فيكم ودعوة خاصة ياريت تشرفنى د.سناء عبده برأيها ايظا .