سأكون مطلقة للمرة الثالثة اذا لم ينصفني زوجي

انا مش عارفة اعمل ايه مش شايفه غير الموت هو الحل الوحيد. انا فتاه 30 سنه تزوجت من عشر سنين ودي كانت بدايه كل شيء وحش تزوجت وفوجئت بأنه مدمن وبدأ يتاجر وحاولت أعالجه وفشلت ورغم كل دا ولدته رغم أننا قرايب كانت أكبر مصدر لتعبي من اهانه لدرجه انها ضربتني في الشارع وطبعا دا كان بقى شئ عادي لزوجي ضرب وإهانة منه كتير من غير وعي وفي الفترة بعد زواج مباشرة أنجبت طفله مقدرتش اعيش وخفت على بنتي وأطلقت وبدأت اربيها وبعد فترة لقيت السفر للخارج والشغل أفضل لي ولتكوين مستقبل لبنتي لأنه كان صعب اعيش تحت رعايه اهلي تاني وازود العبئ وقبل السفر تقدم لي عن طريق أحد اقاربي شخص عربي وقدم كل شئ حتى اتأكد من صدقه وفعلا تزوجت وحسيت ربنا عوض عليا وبعد سنه ونصف تقريبا بدأ يتغير بعد معرفته لبعض الأشخاص وبعد تغير اسلوبه لدرجه ان صديقه بيعاكسي قدامه وسكت وبعض مشاكل في خلال سنه أخرى وبعدها انفصلت واتحطمت ولكن الحسنه الوحيدة انه كون منزل خاص بي باسمي وبعد فترة من معاناه مع الاكتئاب ظهر شخص جديد وكأني مش بتعلم وابهرني بانه لم يتزوج بشرط اترك بنتي لأهلي مؤقت وان ولدته تبقى معايا واراعيها ووافقت وضغط على اهلي وتزوجت وبعدها أصبحت حماتي سبب مشاكلي بتاعملني كخادمه بس وغيرة دايما وانها تعمل من منزلي مكان لتجمعها هي وأولادها بحجه انها مسنه رغم أنها مش مريضه نهائي ورغم أنها عندها ولاد وبنات كتير غير زوجي وعندها منزل خاص بيها بس هي رافضه تروح اي مكان وزوجي كان يشتكي من تصرفات أمه وكنت بستحمل وكرر اننا نبعد ولكنها رفضت واقنعته انها على صواب ورغم أنه راح لجنه الإفتاء وأدرك أن ولدته على غلط ودلوقتي هو عاوز استحمل أو الطلاق وانا مش قادرة استمر في الاهانه دي وهو رافض وانا حاليا عند اهلي في منزلي لأنهم تركوا منزلهم لبعض الأسباب وانا مش عارفة اتعايش وارجع تاني انا وبنتي لبيت بابا انا بحب الاستقلال ودا سبب زواجي ومش قادرة اكمل ومش قادرة أواجه الناس. اسفه طولت بس مش عارفة اعمل ايه بفكر في الموت هرتاح بس خايفه على صدمت اهلي