زوجي متعلق بأهله بشكل رهيب

تزوجت من فترة بسيطة ..خلال فترة الخطبة سنة تقريباً كان زوجي يحبني بجنون ..بعد الزواج استمر الحب بس اكتشفت تعلقه الرهيب بأهله ..وقبل اقل من شهر من زواجنا اجت امه لتعيش معنا ..وكنت اكرمها واحسن معاملتها لكن ما اتفقت معي رغم اني ابدا ما جاوبتها أو تعديت حدي معها ..زوجي كان يحب يزور أهله بشكل شبه يومي وهالشي كان مرهق الي كتير وما يعذر تعبي أو مرضي أو عدم رغبتي..ومرة ع مرة صار خلافات جدا جدا بسيطة مع أهله ..بطبيعتي ما بنسى الإساءة بسرعة واكتر شي كان يصدمني انو زوجي ما عمرو اخد موقف ودافع عني ..لحتى وصلت انو يجو أهله يحاسبوني ويعملولي مشكلة ببيتي وهو ابدا ما وقف معي ولا حتى بالاشياء الي كان شاهد على عدم صحتها أو صحتها ..على هيك زعلت وتدخلو اهلي ..وكبرت المشكلة وانتهت باقتراح اهلي اني ابعد فترة اسبوعين عن زيارات أهله واول لقاء معهم يكون بيت العيلة ..بعد كم يوم زوجي طلب اروح اعتذر لأمه واختصارا للمشاكل رحت واعتذرت وما بعرف على ايش ..وبعد كم يوم طلب اروح اعتذر لأهله الي اجو على بيتي وعملولي مشكلة ..اروح اعتذر لبيوتهم ..رفضت بشدة وبعدها تنازلت اني التقي فيهم باي مكان براة بيوتهم ..ورضي زوجي بهالحل ولما حكالهم رفضو وأصر علي اروح اعتذر ببيوتهم ورفضت وطلبت يوصلني لبيت اهلي كم يوم لتهدى القلوب ..بس الي صار ..انو زوجي بطل بدو ياني وقرر يطلقني ..ورغم كل محاولاتي ومحاولات اهلي واعتذاراتي ..لساته مصر .. انا بحبه وهو ك شخص كتير منيح ..ومش عارفه شو اعمل تعبت من التفكير والمحاولات ..شو الحل