التقيت بالملاك التي ستقلب حياتي وتحولها إلى جنة ولكن...

أنا شاب متزوج من ٧سنين وعمري ٣٠ سنة، وعندي بنتين وولد، وزوجتي قريبتي من العائلة، في بداية زواجنا كنت مفكر أني بحبها وهي كانت وما زالت تحبني وتموت علي ومتعلقة في، بس بعد فترة من الزواج اكتشفت أنها ما بتفهمني ولا بيني وبينها أي نقاط مشتركة وبسرعة بتعصب وبتصرخ، و لما حست أني ما بحبها زي أول ما تجوزنا، ضلت تراقب في ودايما شاكة في أني بخونها أو بعرف، وحتى في شغلي لما مرات أحتاج أتكلم مع موظفة لأمر ضروري تعمل مشكلة تقعد أسبوع وتقعد تشتم الموظفة، ضليت على الوضع هاد طول فترة جيزتنا. وفي السنة السابعة، توظفت عنا موظفة جديدة وكانت متخرجة جديد، شخصيتها جذابة بشكل مبهر، ونص الشركة صارت تجري وراها وتتمنى رضاها، وبتفرض حضورها بسرعة، وشخصيتها قوية وواثقة من نفسها وذكية جدا ولماحة على الآخر يعني زي ما بنقول بتفهمها وهي طايرة. ما لقيت حالي إلا وأنا هايم فيها مش بس بحبها، وبالزبط نفسي ما بتمنى تكون شريكة حياتي، وصارت بيننا علاقة حب، وكانت تفهمني بدون ما أحكي وما أخاف وأنا أحكي معها لأني عارف كيف هتفهم الي بحكيه، وأنا بدي اياها وبدي اتجوزها هي واكمل حياتي معها هي وبس وبس ما بدي أضيع الأولاد، وحبيبتي لساتها في أول عمرها ما بتشيل مسؤولية ٣ولاد، وكمان ما بدي أضر مرتي خاصة أنها عرفت في الموضوع وانجنت. انصحوني بدون تجريح لو سمحتم