تعبت من حبي الهستيري لزوجي، فما الحل؟

مرحبا.انا متزوجة من ثلاث سنوات متعلقة بزوجي وايد لدرجة ما اقدر اوصفها كأني طفلة متعلقة بأمها على طول ابغاه جنبي ليل نهار ما اقدر افارقه لحظة واغار من علاقاته القبلية حتى اللي كانت قبلي واموت بس اقرا محادثاته القديمة ويا طليقته او احد يقلي كان يحبها وتصيدني حالات هستيريا وكريزا وغياب عن الوعي.ما اقدر اتنفس بدونه حتى اذا سافرت لاهلي بظل ايام وانا ابكي واتصل عليه اقله يردني واذا طلع برة البيت بكسر اغراض البيت لانه ابتعد عني واذا قمت من نومي وما لقيته بقعد اصارخ من غير وعي.ما اقدر اطلع مع صديقاتي ولا مع اي احد لاني ما اقدر ابعد عنه وعلى طول تفكيري انه طليقته يمكن ترد اليه او اي وحدة تاخذه مني مع انه هو مراعي وضعي ومتفهمني ويحبني ويوعدني ما احد يقدر ياخذه مني.انا تعبت تعبت ارجوكم ساعدوني ولا تقولولي اشغلي نفسج باي شي ما اقدر ما اقدر حاولت تكفوووون انا تعبت