تزوجت بالسر وأنا الآن...(3)

السلام عليكم انا صاحبة قصة " تزوجت بالسر والآن أنا.." 1 و 2..لما كتبت زمان (من 8 اشهر ) كانت كل النصاءح اني صلح الغلط وهاي انا اعلنت زواجي ع الاقل قدام عيلتي وببلدي وصرت زوجة ثالثة رسميا.. وبتذكر كلام السيدة ميساء النحلاوي لما حكتلي "ابعدي هاذ بيستغلك" و "شوي شوي بدك تصيري تصرفي ع عيلته )!!! أنا بكتب اليوم من شان كون عبرة لكل واحدة تحب بلا مخ...إعلان الزواج صار بعطلة الصيف اجا مع أخوه بس وعملنا حفل صغير عائلي وحكينا قدام الناس ع أساس العرس الكبير رح يصير ببلده وبعشيرته...ظل معي اسبوع وسافر وانا بعد مدة رجعت فرنسا كمل دراستي...و ع اساس شوي شوي رح يخبر عيلته...زوجته الثانية الي اساسا شاكة فيه حملت منه وما خبرته الا بعد اربع اشهر وهو خبى عني هالشي من شان ما فركش الزواج. انا عرفت بالصدفة من أخوه انها ع وش ولادة بس واجهته حكى ان ما كان بدو وأنها خبت عليه وخاف يخسرني اذا عرفت وكان بيدور ع الوقت المناسب وكلام كثير مو مقنع...وأنا سكتت لأن ما بيدي حيلة (مو وارد طلاق بعد 3 اشهر زواج ) و لان قال مستعد يخسر كل شي إلا أنا...وطبعا زادت عليه المصاريف والضغوطات بس صار عنده ولدين مع العلم إني متحملة مسؤولية حالي ماديا وصرت ساعده ماديا لأني ما بحب شوفه مخنوق ومتضايق ولأن اعتبرت أولاده أولادي...صار كثير الشكوى وكنت دايما وقف معه واسنده لانو بالاخير اختياري...المهم صار ما يقدر يجي يزورني ومع اني بعثتلو ثمن التذاكر من 4 اشهر وهو بيؤجل وانا بستنى وصابرة...من مدة بسيطة نسوانه كمان فتشوا موبايله وتاكدوا من وجودي وطلبوا الطلاق وهو وافق وطلب منهم يتنازلوا ع حقوقهم فسكتوا ورضيوا بالامر الواقع (مساكين حالهم ابشع من حالي )...المهم ان انا ما عاد عندي ثقة بكلامه وقررت واجه وطلبت منو اني أنا اجي لبلده والغريب انو رفض مع ان ما رح يدفع مليم وقال مو وقته لأن مو جاهز (مع العلم انو كان يحكيلي ان أمنية حياته اجيه) استغربت وتخانقت معه وقررت سافر وخلي الي يصير يصير وابتديت الاجراءات...عارفة ان هاذ اختياري الغلط من الاول وان انا مذنبة بحق حالي فرجاء لا تقسوا عليا انا ضعفت وحبيت بلا تفكير!! شوروا عليا سافر او لا؟؟؟ واذا لا لمتى رح يظل الوضع هيك؟ شو أعمل؟ طيب خبرو بموعد سفري ولا طب عليه فجأة؟ ؟؟ ساعدوني ارجوكم والله انا ضايعة...