بعد وفاة والدي اصبح زوجي يعايرني بمهري

Question

السلام عليكم ورحمة الله وبركاته هيئة واعضاء حلوها الكرام بدي احكي قصتي وطويلة شوي ياريت الاقي الحل عندكم لاني كتير محتارة ونفسيتي تعبانة انا بنت عمري ٣١ من ايام الجامعة تعرفت ع شب وحبيته وحبني وتحدينا كتير لنتزوج والدي كان رافضه رفض تام لانه كان بالنسبة اله مو من مستوانا وانه بلعب علي لمصلحة فكان شرط زواجنا يكون مهري كيلو دهب مقدم غير مقبوض وبعض كتير قصص زوجي وافق وتزوجنا وهلا عنا ولد عمره ٥ سنين النا متزوجين ٧ سنين اخر ٣ سنين صارت حياتي معه كارثة نفسية كل ماصار مشكلة بيننا بيحكي كلام جارح علي وع اهلي وانه مابده اياني وبغلط باهلي وبوالدي المتوفي توفى بعد زواجي بشهرين وانه بده يطلق وهيك وانا بدل المرة الف حكتله بدك تطلقني طلقني بدون اهانات وانا معطيته عهد انه ما اطالب بمهري لانه لو ببيع كل اهله مارح يقدر يأمنه ومارح يسير الا انه ينحبس وانا مابدي أاذيه اولا بغض النظر عن اي شي اولا بحق العشرة وتانيا مشان ابني لانه بحب ابوه كتير ومتعلق فيه وهو بحبه المشكلة انه بعد كل خلاف بيننا برجع بعتذر وكل مرة باسلوب غير انه بحبني واسف ومابتحمل يخسرني وكل مرة بجبلي هدية شكل اخر وحدة كانت سيارة صحيح بسيطة بس هو مو قدرته وكل مرة نفتح صفحة جديدة وهالمرة غير وبوعدك اخر مشكلة عملهاملاحظة دائما هو بيبدأ بالمشاكل انه كنا نتناقش ع الطريقة اللي سمينا فيها ابننا هو بحكيلي انه امه سمته وانا بكل عفوية حكتله انت ناسي كيف سميناه وحكتله القصة وبس بدون اي قصد فجأة قنبلة وفقعت انا قرفت حياتي معك انت بتتحديني وبتجاكري وبدا مسبات وغلط علي وع اهلي وبالاخر طلقني وانا ماحكيت ولا كلمة اخدت حالي وبدي اطلع من البيت كبر حكي ع اهلي كتير انا بس حكتله احكي للي بشحنك علي يتقي الله وصار يصرخ انه انا بحكي عن امه وانا اختصرت وطلعت بصراحة بس طلعت وتزكرت قديه سب ع اهلي وابوي التوفي وبس حكيتله هالجملة فقع مشان اهله هيك رجعت ع البيت وعملت اشياء بعمري ماتوقعت اعملها بس حسيت انه خلص مو قادرة اتحمل اهانات اكتر من هيك بهالسنين فرديتله اهاناته ع ١٠ اضعاف وماخليت شي عليه ولا ع اهله وحكتله بكرة بما انك زلمة وطلقت بتروح ع المحكمة وبتطلق بس طلع من البيت بربع ساعة رن ع صحاب النا لييجوا يحكوا معي يهدوني ودخل اخوه انا حاسة حالي عفته وبطل اثق فيه ولا بآمن فيه فانا طلبت من اخوه يروح ع المحكمة يثبت الطلاق وهو رافض والف سيف مو رايح لانه افتى لحاله انه ماكان قصده مع انه هاي مو اول مرة بتلفظ بالطلاق هاي التانية غير المرات اللي اصلا بحكيلي رح اطلقك فانا هلا صارت كرامتي وكبريائي خانقني بدي اروح ع المحكمة ارفع دعوى تحقيق بالطلاق لانه انا من حقي اعرف ازا كنت مطلقة ام لا وهو مو بخاطره يفتي لحاله وسالت مفتي وحكالي انه الطلاق واقع بالحالتين وهو بحكي انه انا بدي اياها كيف اروح اثبت ع حالي طلاق اهله وكل الناس اللي حواليه صار ينحكى بينهم انه هو مابده اياها بس خايف من كيلو الدهب لا ينحبس وانا حكيت لاخوه خليه يطلق وحياة الله ورحمة ابوي وابني مارح ااذيه بس خلي يطلق انا تعبت هو بده ننسى كل شي ونفتح صفحة جديد زي الاف الصفحات قبل ومتغير اسلوبه وكلامه لما يعصب وانا بطلت اسدقه وفقدت الثقة فيه علما بانه بحياتنا العادية بيننا انسجام وتفاهم وانا كنت كتير احبه كان بالنسبة الي ابني اللي كبير بخاف عليه وبحبه ومو مقصرة معه باي شي بحياته مابعرف ليش هو هيك صار يكرهني مع اني والله عمري ماغلطت فيه وملاحظة انا عمري ماجبت سيرة مهري او هددت فيه لتشكوا مثلا انه عنده مشكلة من اسلوبي وتانيا اهلي ناس كتير مسالمين وهمة كمان عمرهم ماحكوا فيه بالرغم من كل المشاكل اللي صارت بس اهله كل ماصار شي ببينوله انه المشكلة مهري او ازا بحبني وبدلعني لانه مجبور لانه مهري كزا يعني كإنه خاروف بمصطلحنا انا وصلت لمرحلة لو شو مابده يسير بدي حقوقي وابسطها انه يتثبت طلاقي لانه مو حيوانه ومواضيع كتيرة ع نفس النظام مابتخلص انا بدي انجن مرة بحبك ومابستغني عنك وبموت بدونك وبدون هالعيلة ومرة من زمان بدي اخلص من وحدة زيك بس صار الواحد متزوج بترجاكم انصحوني بهالشخصية المتقلبه انا تعبت مافي كاسر ضهري الا ابني

أخصائية علم النفس والتثقيف الصحي ميساء النحلاوي · Accepted Answer

شكرا لك سيدتي على ثقتك بموقع حلوها والدك رحمه الله كان يخاف عليك من هذا الزواج واتضح أنه على حق ولكنه ربما بالغ في مسأله الذهب لقد تمادى زوجك في قله إحترامه لك ولأهلك وخاصه لرجل متوف وما دام قد طلقك فقد إختار هو هذه النهايه اتركيه وابقي في بيت أهلك حتى يستحق هذا التهور في الطلاق وفي التهديد به في كل مناسبه اسالي رجل دين ثقة في فتوى الطلاق وف ي ضوء ذلك قرري ما تريدين وما يريحك

من مجهول · Answer

كثير من الشباب المتزوجين يضيعو شبابهم بالمشاكل الزوجية وبعد ما يصلو الأربعينات تبدأ عندهم الرومنسية والحب ويرجعو اتندمو على الأيام اللي ضاعت بالمشاكل يا اخوان العمر قصير ويفوت بسرعة راجعو حساباتكم ويكفي طيش فأنت أيها الزوج يجب عليك أن تكون الأكثر وعيا وتفهما ولا تضع عقلك بعقل امرأة وأنتي أيتها المرأة عليك أن تكوني الأكثر صبرا من أجل أولادك وعليك أن تكوني تابعة لزوجك وخاضعة له ومطيعة له

من مجهول · Answer

نعم اسقطي المهر لتعرفي حقيقته

من مجهول · Answer

أحترم رغبتك في الطلاق وعدم إجباره على دفع هذا المبلغ الخرافي فهو شخص عصبي بشكل مبالغ فيه ولا يجب أن تقضي حياتك مع شخص يهينك ولا يحترمك ويستمر معك فقط من أجل المال ولكن هو في النهاية اب لطفلك ولا يجب أن تدخليه السجن

من مجهول · Answer

أشعر أن زوجك يحبك ولكنه متسرع بعض الشيء أما عن طلاقك ففي بعض المذاهب يقع وفي بعض المذاهب لا يقع لأنه طلاق في حالة الغضب والغضب يلغي الطلاق بكل تأكيد فلا تقلقي إذهبي لشيخ وتأكدي من هذا

من مجهول · Answer

صدقيني المشكلة كانت مشكلة ابيك من البداية وسأخبرك لماذا عندما تقيم المرأة بأنها سلعة يعطيها ابيها لآخر بشرط مبلغ من المال يشعر الزوج وكأنه مديون طوال حياته ويبدأ الكرة الزواج والحب عاطفة يا عزيزتي ووقت أن دخل فيهما المال يقضي عليهما وهو ما يسبب الضغط على زوجك

من مجهول · Answer

الله يعينك على إنت فيه ظاهر إنك انسانة مخك كبير على عكس زوجك متهور ولا يحسب حسابا لكلامه أنصحك أن تسقطي المهر لتعرفي حقيقته

بعد وفاة والدي اصبح زوجي يعايرني بمهري

شارك في الاجابة على السؤال

شارك في الاجابة على السؤال

احدث الوصفات

طريقة عمل مهلبية الجيلي

طريقة عمل كاسات تشيز كيك

طريقة عمل كاسات اللوتس

طريقة عمل عصير فيمتو

طريقة عمل الموهيتو الصيفي

طريقة عمل عصير المالديف الأزرق

فيديوهات ذات صلة

مقالات ذات صلة

تفسير حلم موت الأخت ووفاة الأخت الحية في المنام

تفسير حلم موت الأب ورؤية وفاة الوالد في المنام

أعراض وعلاج مرض التلاسيميا

العلاقة الزوجية بعد الولادة القيصرية والطبيعية

كيف أتعامل مع زوجي الاتكالي؟

زوجي شاذ! الزواج من شاذ وكيفية التعامل مع الزوج المثلي

اختبارات ذات صلة

اختبار الاكتئاب للمراهقين لكشف الحالة النفسية

أسئلة ذات صلة

مقالات ذات صلة

احدث مقالات قضايا اسرية

احدث الوصفات

طريقة عمل حلى كرات الشعيرية السهل والسريع

طريقة عمل كيكة الجيلي الباردة

احدث اسئلة قضايا اسرية

اسئلة من بلدك

احجز استشارة اونلاين

شارك في اخر الاختبارات

اختبار الشخصية التجنبية: هل أنت شخص انهزامي!

اختبار نوع الغيرة: اكتشف غيرتك من أي نوع!