كيف أقنع زوجي بأني غير قادرة على تلبية طلباته بسبب وحامي؟

السلام عليكم ورحمه الله ' انا حامل بنصف الشهر الثاني وهذا اول حمل لي ' عندي مشكله بالحمل كيف اقنع زوجي اني مو قادره اطبخ في فتره الوحام لاني بس لو اشم ريحه طبخ تكرمون استفرغ ' قبل حملي وقبل مايجيني الوحام كنت اقوم بأمور البيت ما اقصر مع زوجي بشي من طبخ وغسيل وكوي ' لكن الان انا متوحمه على الرز والدجاج واللحم وعلى اي شي دسم مقدر اكله ولا اشم ريحته حتى ريحه القهوه صرت ما اطيقها يا دوب اكل بسكوت مع شاي او سلطه هذا اللي اقدر عليه ' حتى ريحه زوجي ماني طايقتها غصب عني مو بيدي ' زوجي بيرجع من السفر لكن شلون افهمه اني مو قادره اطبخ واني مقدر اسوي به القهوه اللي متعود عليها من يدي ، بس فتره الوحام ابيه ياكل عند امه لان امه كذا كذا طابخه لعيالها' والله تعبانه بالحيل بسبب الوحام ' كل اللي ابيه كيف الطريقه اللي اقدر افهم زوجي انه مو تقصير مني