عزلة أخي أتعبتني كثيراً

عندي اخو أصغر مني عمره ٢٥ أربع وعشرين ساعه قاعد بغرفته مادري شيسوي ومن زمان على هالحاله من ٤ سنوات يمكن ، وهو عقله معاه لما تكلمه انسان طبيعي جداً ويضحك ومزوح ولا كأنه فيه شي احترنا معاه والله وهو ما يروح لأحد ولا أحد يجيه كاسر خاطري حيل وأشوف بعيونه هم الدنيا كلها وطييييييييب حيل كل الاطفال يموتون فيه ومن نروح نزور اهلي يركضون لغرفته وهو مجهز هدايا لهم وألاحظ فيه انه ما يرضى على الارهابيين ولا يسمح لاحد يخطي عليهم حتى لو انه ابوي وقبل ما كان كذا كان علطول برى البيت او يجيب اخوياه بالمجلس يسهرون وكانت مشاكله واجد مع شباب في حارتنا يتضارب معهم وانسجن فتره قصيره لانه ضرب واحد في وجهه سبب له عاهه ، لكن تغير الحين تغير جذري ما نعرف ليه ولاهو راضي يعلم نحاول نسحبه بالكلام ولا يعلم تكفووون يا ناس نبي نلحق عليه قبل يضيع مننا وش نسوي معه