منذ زواجي لم آخذ أي حق من حقوقي والآن...

السلام عليكم لا اعرف كيف ابدأ الامر انى تزوجت من عدة سنوات بدون شقة وشبكة فقط دبلة وخاتم وسافرت مع زوجى عشان نجيب شقة ونبني مستقبلنا وساعدته بمااملك فى السفر لكى الحق به ووالدته بالبداية ساعدته بمبلغ بسيط والمهم انى خلفت بنتين وحياتنا من سنين معدومة ساكنين بغرفة كلنا لانه معاش الزوج لا يستطيع ايجار شقة تحملت ونزلت اشتغلت واتبهدلت كتير فى الشغل مابين شركة لشركة وضلينا قاعدين بالغرفة حتى نتمكن من شراء الشقة فى بلدنا لاننا مش بنزل اجازات معندناش مكان نقعد فيه واشترينا الشقة على الطوب الاحمر وقبل مانبتدى نشطب فيها والدته طلبت منه مبلغ مالى معين عشان تحج وقالتله لما تخلص شقتك علطول ادينى الفلوس السؤال هنا انا احنا الاربعة قاعدين انا وزوجى وبناتى الصغار بغرفة بالغربة حتى نتمكن من فعل شئ لنا وحياتنا كانت معدومة والله العالم بالحال وعلى مانشطب الشقة ونفرشها قدامنا كمان سنتين ثلاثة عشان نقدر نحوش فلوس التشطيب والفرش وهنفضل بنفس المكان عشان نخلص شقتنا وبعدها كنا مقررين ننقل بشقة ونعيش على اد اللى رايح واللى جاى او ننزل بلدنا لكن بعد طلب والدته مضطرة اكمل بنفس الغرفة والعمل ايضا عشان زوجى لوحده مش هيقدر يوفيلها طلبها وانا بالحقيقة لا انكر مساعدتها له ولكنى تعبت من المكافحاة والمعاناة لا احد يتخيل كم عانيت بالعمل والعيش بغرفة واحدة امر صعب جدا سنوات طويلة جدا وكبرنا نفسي ارتاح واقعد بالبيت وزوجى يصرف عليا او حتى انقل بشقة ناخد راحتنا لكن عشان ندى والدته الفلوس محتاجين نعانى اكتر كمان سنة عشان نوفرلها المبلغ ماذا افعل انا اريد هذا الثواب ولكنى تعبت وعندما تزوجت مخدتش ولا حق من حقوقى وغير ان اهله اصلا مش بيحبونى ومحدش منهم بيتعامل معايا فلماذا اكافح واعانى من اجلهم؟ هل انا قليلة الاصل لو رفضت ؟؟؟؟؟