زوجتي لم تعطيني فرصة لأشرح لها ما حصل، ماذا أفعل؟

انا ضابط  متزوج من ٧ سنين حياتى الزوجية جميلة عندى ابن كبير عمره ٥ سنين ونص ومراتى ولدت من شهرين ولد ونت بس البنت اتوفت وداه اثر على الحاله النفسية لمراتى المشكله ان انا كنت بحب بنت هى كانت جارتى وبعدين والدى خطبهالى بعد ٣ ثانوى على طول انا من اسرة ثرية والحمد لله الخطوبة استمرت ٣ شهور فقط بالرغم من قصة الحب الكبيرة اللي كانت بنا بس هى كانت شايفه ان كلامى ليها اوامر لغاية ما عرفت من واحد صاحبى انه شافها مع مجموعه بنات وولاد لما سألتها مأنكرتش وقالتلى صحابى فى الجامعه متبقش معقد روحت حكيت لوالدها وبعدين روحت اعتذرتلها لان عرفت والدها والمفروض كانت المشكله بنا وهى اتقبلت اعتذارى وبعدين بنتكلم فى مره وبقولها معنديش ستات تشتغل بعد الجواز كنت بهزر وكان باين كدا من طرقتى وتعابير وجهى ردت عليا وقالتلى انت انسان همجى ومعقد انا مستحيل اكمل مع متخلف زيك متفكرش انك عشان راجل تتحكم فيا انت او غيرك فى الجذمة انا شخصية صبور ومبغلطش غير نادر روحتها يوميها ومردتش عليها مش ضعف بس عشان انا متربتش اهين بنت وقررت انفصل عنها بمنتهى الادب واستغنيت عن الشبكه اللي كان والدى جايبها بحوالى ٦٣٠٠ الف فى الوقت داه المبلغ كان كبير جدا محدش كان بيجيب شبكه بمبالغ كدا وعشان سمعتها وبتبقى عيبه فى حق البنت لو هى اللي متسابه قولنا ان هى اللي سابتنى وقررت انساها بس فضلت ذاكراها فى قلبى لغاية ما اتعرفت على مراتى بعدها بكام سنه واعجبت بيها واتجوزنا كانت ونعم التربية والاخلاق حبيتها اوى يمكن اكتر من خطيبتى الاولانيه وعرفتها ان كانت فى بنت فى حياتى قبلها قالتلى بنسبالى الكلام داه ملوش لازمه قدام انا ماليه عينك ومفيش فى حياتك غيرى كنت بحب ثقتها فى نفسها وانها واثقه ان هى الوحيدة اللي فى قلبى لغاية ما اشترينا شقه جديدة ومراتى قررت تفرشها على ذوقها وتبقى مفاجأه ليا وفعلا داه اللي حصل هى كانت لسه حامل وفى خلاص فترة قصيرة جدا الشقه جهزت نقلنا فيها بس بنتنا اتوفت قبل ما نتنقل باسبوع بحكم شغلى بغيب عن البيت ومراتى اتعرفت على جاره لينا شابة وبتشتغل وعايشه لوحدها بقوا صحاب ومراتى والبنت حكت لمراتى عن خطيبها (انا) وقالتلها ان هى لسه بتبحه وكدا ومراتى كانت بتحكيلى وبتفضل تقولى صعبانه عليا البنت طيبه بس شخصيتها وحشه خسرت انسان بتحبه ومفيش حد اتقدملها غير وميكلمش بسبب اسلوبها و نزلت اجازة لمراتى وشوفت جارتنا اللي بتحكيلى عنها طلعت خطيبتى الاولى كان باين من ملامحها انها عارف ان بكون زوج مراتى انا ارتبكت جدا كان حاجة غير متوقعه وطلعنا مراتى سألتنى مالى قولتلها مفيش وبعدين بليل حكيت لمراتى الحقيقه عشان متعودش اخبى عليها حاجة كان ردة فعلها سكوت تام وبعدين قالتلى انا مش هقدر اعيش فى البيت داه وطلبت منى اوصلها لبيت اهلها وقالتلى متجيش تاخودنى انا لما احس نفسى هقدر ارجع هرجع سيبتها يومين وبعدين روحت اخدتها من غير ما حد من اهلها يعرف اى حاجة حياتنا طول عمرها خاصة جدا مشكلنا بفرحنا بحززنا بينا احنا وبس مراتى رجعت معايا عشان متبينش حاجة لاهلها ومتبقاش كسرت كلمتى حاولت افهمها ان توترى لما شفتها امر طبيعى قالتلى قلبك كان بيدق جامد واكيد مشاعرك ليها رجعت بدليل من كلامها انك كنت بتحبها وحتى انت كنت حكتلى انك بتحبها وزعلانه منى جامد على حاجة انا معملتهاش للعلم عشان محدش يقول مراتك نكدية والكلام داه هى عمرها ما كانت نكدية ولا بتزعل من اسباب تافهه ولا بتعمل مشاكل من مفيش داه اللي مخلينى اقتنع ان زعلها داه وراه حاجة خلاف اللي بتقولهولى انا معرفش البنت دى قالتلها ايه ولا اعرف اى حاجة وانا مراتى نفسيتها صعبة جدا الايام دى انا كنت على ما صدقت عدينا صدمة وفاة بنتنا انا مراتى دكتورة مخ واعصاب وهى انسانه ناجحة ومتفهمه جدا حتى لما ولدت طلبت منها تاخد تجازة من الشغل عشان الطفل وافقت دلوقتى قالتلى انا قررت ارجع الشغل انا مش راجل تحكمى ولا بفرض كلامى بس بنتعامل بأسلوب النقاش مراتى حالتها لا الصحيه ولا النفسيه تسمح ليها ترجع الشغل ممكن حل من غير دكتور نفسى والكلام داه عشان انا ليا صديق دكتور نفسى استشارته فى الوضع داه وكلامه معايا ان مراتى حالتها لا تستدعى دكتور نفسى قالى حاول تقعد معاها واتكلموا بس هى مش مديانى فرصه ان نتكلم