هذا ما فعله زوجي المدمن بي بعد خلافي مع أهله....!

السلام عليكم ورحمه الله وبركاته حبيت اكتبلكم شكوتي واخيرا وصلت لهاذا المكان سامحوني نقاش طويل وحبيت انكم تساعدوني لان والله تعبت وحس قلبي راح يطلع . اولا اني حامل بلشهر الثالث كان زوجي يتعاطا المخدرات لكن لا ادري يصدق ام يكذب وكنت اشم رائحه مخدرات هيك ريحه قويه كانت وكنت من افوت ع المطبخ اشوفه يرتبك ويخبي الي كان يسوي ويسوي نفسه انه يطبخ شاي المهم زعلت اني وقلت له ليش ما تداريني واني حامل ليش اني قلتلك المره الاوله ياابن الناس اختارني او اختار هلشي الغلط قال والله ماكررها قلتله اذا بتكررها الي بيني وبينك انتهه وبعرف انك ماتريدني المهم تعصبت عليه وقلتله بعصبيه وديني بيت اهلي عطول كال عيوني راح اوديك بعدها اني رجعت عن قراري ليش لاني احبه سكتت وحلف انه ماسواها كلتله ليش من اكلك وديني بيت اهلي عطول تريد توديني رغم اني المعصبه مو انت المهم حسيت نفسي مرره مذلوله ثاني مره كررها وتعذر انه مايشرب وشفت دليل الورق المحروق وبي مخدر اني سكتت . ثانيا.. كنا قاعدين وله يومين مايداوم مادري شصار او شو الشي الي يخبي عليه كال كالي القائد بعد خمس ايام راح اداوم بمكان بعيد كلتله عادي الله معك كال لمده شهر كلتله لاتكطع بعد ما تكمل الشهر فجاه بنفس اليوم كال القائد كالي بعد بكره وهو لاراح الدوام ولاشي منين القائد كاله المهم كلتله عادي وبعدها اجينا ليوم جديد كال كالي القائد اليوم اروح كلتله شبيك تلعب بيه ترا موشايفني ساكته تستغلها ضعف اليه هي بعد خمس ايام كام يصيح فوكاي اني سكتت كال يله بوديج عند اهلج كلتله كلتلي بعد خمس ايام كال شبيك هسه غيرت كال يله يله ماكو وكت المهم وداني واخذ سياره ابوه وابوه طاول عليه كدام بنته ولسه اخذ السياره وكاله راح انطيك يابوي مفتاح بيتي اني عطول سكتت وداني فجاه كال يله راح اروح راح اجا امس كلتله مو ماراح يطلعك القائد لو مهما صار لان تدريب كال لا حولونا مكان ثاني كلتله هلمكان ماكو بي تدريب بس دوام يومي ليش تكذب كال لالا هو تدريب جذب عليه اني ماطولت سكتت كال يريد المفتاح يريد جوازه علمود يتابع ع راتبه ثانيا .صارت مشكله طبعا سوا بيت منفسي طبعا هذا جمب بيت اهله ساعدته وعطيته ذهبي وكلشي بس عشان مايتعب وحبيته وضحيت عشانه ودللته ومازعلته بيوم وكليوم يغلطني وارجع روحي الغلطانه المهم صارت مشكله اخته تهجمت فوكاي بسبب ليش كلتله اريد احاكي اخت زوجي كلمتين فقط كامت القيامه عليه وكالت برع من بيت ابوي اني سكتت ورحت اشتكيت لزوجي كال ماصار شي عادي كلتله روح اخذ حقي ماتصيح ولاشي بس اريدكم تعرفهم ان اني مو هينه او رخيصه واني موغلطانه المهم ماراح راح الشغل اجت امه تعلي صوتها عليه ودقت الباب وفاتت وصوتها لااخر الشارع اني رديتلها بابتسامه وكلام محترك وبدت تسب اليه وتكول راح اتفاهم مع زوجج اني راح اوريج راحت وكلمته اجا ماعصب عليه اليوم الثاني عصب عليه وحالتي النفسيه مو تمام المشيمه نزلت تحت وحسيت مثل الاجهاض وتشنجات وتعب هوا كام معهم وصار ضدي اني بجيت كدامه مارحم دموعي ينام واني ابكي اريد الموت الف مره يومين ع هلحاله ابكي ويكول انتي غلطانه هاي امي وهاي اختي شتريديني اسوي ها خل الي يسوونه يسوون اني انصدمت اصلا هو من كبل ماكان هيك كان عكس وصدك يخاف عليه ومايرضه بلضلم يصير لي المهم اني انصدمت كلتله اني بذمتك مو هيك تسوي والله حرام اني احبك وابد مارضيت احد اهلك يريدوم يفرقونا وانت كلتها كبل كال اهلي احسن اهل اسكتي ولاتتكلمين عليهم ومد ايده عليه اني سكتت عرفت اني ذليت روحي وبعدها كال رايح الدوام وماكو وياي شي اكله اني بجيت وهو ولا حسه عندي ولاشي بجيت من الوجع وبجيت من الضلم وبجيت من الحب الي اعطيته وبجيت من كلشي والله مصدومه وواصل يضل يهددني اكدر اروح مع البنات وجامعهم يكولي وساعه يكول انا راح اجمع فلوس واتزوج والله شكلي راح اتزوج واكله تمزح صح واني بذل اكولها يسكت هو ويكول ويش فيها هااا ويخنكني تغير ١٨٠ درجه وبعدها كان يدخل ويخرج يدخل ويخرج من البيت واني ابجي وتعبانه بعدها اجا باسني شلفايده يدعسني نهايته ينطيني بوسه شريد منها البوسه اريد اسف رغم انه ماراح يصلح الي بكلبي من جرح عميق مره كلتله تهيني وتطلع كل حرقه اهلك فيني اني شذنبي تسوي هيك اني تعبت تدري كبل اهلك شسووالي انت ذاكر بس الان انت تزعل عليهم شنو سوو فيك عشان انت كذا ترضه بلهيانه اليه اني بذمتك وربي راح يعاقبك ع كل ذنب ودمعه وضلم وجرح سويته فيني ها كال يله ماصار شي اني هسه شسوي فيني حمه احجيلي شي ينطيني شي ثاني وكانه يرضي وحده جاهله طفله كلت لا اهلي وراح اطلب الطلاق مستفدت شي غير الوجع والاهانه منه ومن اهله تعبت والله يابنات ساعدوني ماكدرت عاد ازيد الكلام قلت اكثر من كلمه بس اااااااااه الي بكلبي مايعلم بي اله ارحم الراحمين ماعندي قرار غير الطلاق والله .