ماذا فعلت لزوجي حتى يعاقبني بهذه الطريقة؟

السلام عليكم انا أعاني من معاملة زوجي السيئة من ست سنوات من بداية زواجنا مايقدر ولا يحترم كوني انسانة عادي يسبني بألفاظ تنتهك العرض ويسب امي وأبوي وكل اهلي بألفاظ بذيئة جدا وانا احاول قد مااقدر أتجاهل لان لو تجادلت معاه يصير مثل الثور الهايج وأقول في نفسي اطنشه لان هذي تدل على اخلاقه بس الصبر له حدود وحاليا في رمضان يسمع أغاني وهو صايم ولما اكلمه يقرب الاكل من فمه ويقول انا كافر الحين بفطر ويمشي ويكسر الدنيا ويقولي انتي كلبة فلوس ع الرغم انه معيشني بفقر وانا صابرة وانتظر الفرج من رب العالمين وحتى الصلاة اذا صلى يوم عشرة ايّام مايصلي.. انا عندي بنت ولولا هالبنت كان تطلقت لاني شفت معاه ابشع ايّام حياتي ودائما حياتي في قلق وخوف طبعا انا تكلمت معاه كثير ودخلت اهلي واهله ولا حياة لمن ينادي ويمد يده علي كثير وكنت ادعيله والحين ادعي عليه ان ربي ينصرني عليه ويوريني فيه يوم لان لاحول لي ولا قوة وأهلي يخافون يكبرون المواضيع وهو يعاملني بشدة الشعر والتجريح ومدة اليد حتى كلمة طيبة في ايّام رمضان مافي.. اذا طبخت وسويت قال تلعبين بالنعمة واذا قللت في الاكل يقول بس هذا ياليتني رحت أفطر عند اهلي انا تعبت منه ووصلت مرحلة الانهيار هو ظلمني كثير ومعيشني بفقر بسبب إهماله كل شهر ينطرد بسبب الغيابات ويجلس في البيت وكل عيد يمر علي اتحسر على نفسي وبنتي والحمدلله على كل حال واهله ماديتهم كويسة وانا مااقدر اشوف نفسي ناقصة عنهم لاني انسانة وامرأة نفسي تتمنى وأشتهي كأن إنسان ودايم يصارخ علي قدامهم ويفشلني انا ادعي عليه بالمووت لان هالشي الوحيد اللي برتاح من بعده والطلاق فيها بنتي وأهلي وخصوصا ابوي مايبي اتطلق .. ولا تقولون يمكن عنده ضغط نفسي انا لي ست سنين معاه وحالته من سيّء الى اسوء اكرهه بكل ماتعنيه هالكلمة من معنى في اشياء كثير مااقدر اكتبها بين السطور انا دخلت هنا للفضفضة لان ماعندي احد اشكيله همي وتعبي غير رب العالمين واحتاج اتكلم وافضفض عندي سؤال محيرني انا مااذكر اني ظلمت احد عايشة في حالي ولا ادخل في حياة احد ويقولون كل إنسان ربي يعطيه على نيته بس انا ليش هذا صار زوجي هل معقول نيتي خبيثة عشان كذا ربي حطه في طريقي انا لما اشوف صديقاتي كيف يحكون عن حياتهم مااحسدهم والله يوفقهم بس اقول في نفسي ليه انا تعيسة ليش هذا الانسان يعيشني بخوف وقلق وصراخ وضرب لييه انا وش سويت هل هي عقوبة؟ او احد دعى علي؟ استغفرالله يارب سامحني أرجوكم نزلوا مشكلتي محتاجة دعاء منكم فقط ان الله يهديني ويرشدني للصواب