أخطأت بحقه كزوج فبادلني بالإهتمام الذي كنت أفتقده

ابكي عليك ام ابكي على نفسي ام ابكي على دنيا اوجعتني ضربا دون لمسي..قبل ما أبدأ بطرح مشكلتي..بعرف راح تحكولي عيب وحرام وهيك ما بسير..بس هاد اللي صار معي..انا امرأه متزوجه بالعشرينات من عمري..لا اخفيكم زوجي ما بيتعامل معي غير بالضرب ما عندو اشي اسمو نقاش نهائيا..وانا تزوجت بعمر ١٧عام..رغم اني كنت صغيره بس تحملت كثير اشياء منه..بعد مرور عشر أعوام على زواجنا..عملت فيس ولعب بعقلي الشيطان وحكيت خليني اتسلى..وبالفعل تعرفت عشخص وسرت اتخوث عليه ..شوي شوي بلشت اتعلق فيه..صار بينا حكي وصور فقط..هو متزوج وانا متزوجه وبعرف انو مستحيل نكون لبعض بس لقيت عندو الاحتواء والفهم ..المهم زوجي بيوم اكتشف كل شي.. ضربني وصارت مشاكل كثيرووقفت عالطلاق لكن الامور عدت ع خير..زوجي بطل يضربني من ايام القصه تغير وبحاول يكون معي أحسن..وبالفعل انا لاحظت انو اتغير..طيب ليش وصلني لهلمواصيل..ليش ما كان معاي كويس من الاول؟ ؟ هسه مشكلتي انا عرفت الحب عرفت الحنان اللي عرفت الإهتمام اللي عمره ما ذوقني طعمهم..سرت أفقد ذلك الشخص واحن الو..بس الناس ما بترحم..والكل راح يلومني..والله واقسم بالله ..وانا لا أحب أن أقول هذا عني اني انا جميله طول وجسم وشكل..ليش ما كان شايفني ليش ما خنته صار يعبرني ليش لما انحطت بورقتي نقطه سودا صار احسن ليش ..هسه انا مش قادره انسى الشخص الي كنت بحكي معو قلبي بين نارين..بضحك مع زوجي وبحاول انسيه لكن جواي سكاكين بتقطع بقلبي..يا رب اعني ليس بعد هذا التيه تيه..بعتذر عن الاطاله وشكرا..