متزوجة وعندي كسل وخمول وحب للنوم

مشكلتي متزوجة و عندي طفل بحس عندي كسل مش طبيعي و خمول و حب للنوم بطريقة صارت تدايق زوجي كتير .. هو بيحبني و عشان هيك صابر علي .. بيتي مقرف بنضفه بالاسبوع مرة و بالموت بجبر حالي و شكلا ما عم بهتم بحالي انا نفسي قرفانه من شكلي و بحس حالي زي المربطه جد ما بمون على حالي اني اقوم اعمل الاشي .. بكون قاعدة و بقول لحالي لازم اقوم اتحمم و ازبط حالي او مثلا انضف البيت و حتى للاسف زوجي ما بطيق يقرب علي ما بعرف ليش مع اني بحبه و بغصب حالي غصب .. و زوجي بلش ينبهني انه انتبهي انا متحملك بس مش رح اقدر اتحمل كتير لازم تصحي من النفسية اللي انتي فيها .. انا خايفة اخسره و اخسر بيتي ..علما اني جد انا ما كنت هيك كنت اكتر بنت بتهتم بحالها و حتى بعد الزواج ضليت فترة منيحة مهتمة بحالي و ببيتي و زوجي و انضف اول باول .. هلا ما بعرف ليش هيك بيصير معي .. ما الي نفس اعمل اشي ولااااا اشي نفسي بس اضل نايمة او عند اهلي او طالعه مشاوير .. علما انه زووجي رااائع متفهم و محترم و بيحترمني و منيح كتير معي و كريم ... انا عندي ارادة التغيير بشكل مو طبيعي بس بدي حد يقللي شو مشكلتي و كيف اعالجها ..