حماتي هي سبب المشاكل التي تحصل

ايه تثبت حسن نيتها وهي نهانت وانضربت وطول هالمدة حماتها ما انبها ضميرها وفكرت تسال عنها

ولحد هسا مش مفكره تسأل ولا حتى طلبت تشوف حفيدها ،، ع الرغم انه انا يلي طلبت من زوجي يوخذني لعندها حكيتله بلكي كانت اخر ايامها حرام ما تشوف حفيدها لكنه رفض يوخذني ولحد الان صار عمر الولد ٦٥ يوم ولسى ما شافته

امه الها اسبوعين مجلوطه ،، صابتها اكثر من جلطه بالدماغ بطلت تحكي ومابتحرك ايدها اليمين (ولحسن حظي انها امّيه مابتقرأ ولا بتكتب) يعني خلص مش رح تقدر تدخل بحياتي ولا تحرض زوجي علي والحمدلله كل شيء بقدر عندالله ضايل شهر وبكمل سنه عند اهلي وابني قرب يكمل ال ٣ اشهر ،، هيه من لما خلفت ابني انتكست وما شافت الراحه والهنا وقضتها بالمستشفى

اهلي مابدهم خراب بيتي ،، وشفقانين ع الولد يربى مشتت

انا ما غلطت معه لحتى صار هيك بالعكس اصلا بيوم المشكله كنا ما شاءالله علينا ،، لحد ما اجت امه واخته اتعشن عنا وانا رحت المطبخ وتركتهم مابعرف شو صار بغيابي لحتى اجى هجم علي وبلش فيني وهيّ عملت حالها بتدافع عني مسكتني لابنها وثبتتني منيح وبعدها صارت تضرب ،،،،، طلبت من زوجي يوخذني مشان تشوف حفيدها بس هو رفض ومابعرف ليش مع اني حكيتله الاعمار بيد الله لازم تشوف حفيدها بس كمان رفض

شو الاسس يلي افتح عليها صفحه جديده ممكن المساعده؟؟؟

كيف انسى !!!؟؟؟ اذا هيه لحد الان ما حنّت وطلبت الطفل تشوفه ،، مابتوقع انه في ام مابتحب تشوف حفيدها لغايه اليوم صار عمره ٦٥ يوم وما حكت جيبوه اشوفه

شو بدي بالجاهة انا واهلي ،، اذا اهله ما رح يجو !!؟؟ هو حكى انه بجيب كل العالم جاهة الا اهله ، رفضنا الجاهة وطلبنا اهله بس ... وهو رفض انه اهله يتدخلو

اذا كان رفض الطلاق مثل مابدهم اهله وما اتخلى عني الا بوقت الحمل ،، معقول ما يرجع يتخلى عني بعد ما ارجع معه ؟؟!

انا  مع رأيهم  ترك البيت أحيانا بركة تكوني في بيت مستقل من حقك والله ثم والله لن يرضى لاأخته إن زوجها يضربها ولن ترضى الحماة إن ابنتها تضرب من قبل أهل زوجها والله العظيم محد يرضى أكيد 

الاذى والاسى مابنتسوا بسهولة ، انا مارح اسامحهم حتى لو بعد فترة اكتشفوا انهم غلطو معي ! بس من باب انه هيه ساكنه بالطابق الثاني وانا بالطابق الاول ومدخل بيتي من قدام مدخلها وانا بعيده كثير عن اهلي بدهم ساعه ونص ليوصلوني حكولي لازم يكون بينكم سلام ومعامله سطحيه

حاليا ما بهمني الا زوجي يصحى ويشوف الناس يلي حواليه ع حقيقتها ،، وخصوصا انه طول فترة غيابه عني وضعه كثير متدهور وما حدا واقف معه ، بالنسبه لعمتي محتسبيتها عند ربي وتعاملي معها لازم يكون سطحي كثير كثير

انا والله ما بدي اشي لا منها ولا من غيرها ،، بس يتركوني بحالي انا وزوجي نعيش بهدوء وراحه واستقرار ومودة ورحمه

دعينا نعتبر ما حصل ساعة شيطان ونفتح صفحة جديدة لعل وعسى تعتبر حماتها من الذي حصل لها

ليش دايما اول ما بنحط ببالنا العمر والحياة قدامي ،، مش بالسهوله اللي انتي متخيليتها ارجع اتزوج لأنه بكل بساطه جربت الزواج وجربت الحمل والولادة وعندي ولد ربي يحميه ،، لشو ارجع افكر بالزواج يلي جرب مابرجع يجرب ،،يابحاول يصلح زواجه يا بنهيه وخلصنا اما سولافه ارجع اتزوج مستحيل ثم مستحيل

بالعكس يا اختي لا تحكمي من تجربة واحده على الزواج 

سواء حكمت من تجربه او ما حكمت ،، الفرصه بتيجي مرة وحده للانسان اذا ما عاشها من اول مرة مستحيل يرجع يعيشها مرة ثانيه ... الزلم بسرعه ببيع وبتخلى وبركض يتجوز وكثير سهله عليه بعكس الانثى

صدقيني محاول الاصلاح لا تفح ، الفاسد يبقى فاسد، واذا كنت تخافين من انك ضيعت سنوات في الزواج الحالي، فأسألي نفس هل انت مستعدة لتضييع المزيد الآن؟

 انا رافعه عليه قضية نفقة وقضية ذهب واثاث ولحد اليوم مافتحلي سيرتهن ولا حكالي اتنازلي

اكيد رح اتنازل عنهن بس بعد فترة لحتى اشوف انه شاريني ومش ممكن يعيد اللي مضى

هو يبر امه لحاله ويخدمها ويقوم بواجبها ويرضيها غصب عنه وليس بكيفه .. لكن هي غير ملزمه ابدا برضا ام زوجها خصوصا لو كانت بمثل هذه الاخلاق

ما في داعي ترجع العلاقه بيني وبين اهله ،، رح تكون تحت السطحيه ومجبورة ع هالشي لأني مسكني عندهم وحياتي كلها عندهم بيتي بالطابق الاول وحماتي بالطابق الثاني ،، اول ما تزوجت كنت حاطه ببالي اني عند اهلي ولازم اتحملهم وعاملتهم احسن مابعامل اهلي بس ما اثمر فيهم الحمدلله

انا كنت معتبريتها مثل امي بس بعد اللي عملته مستحيل تكون مثل امي لأنه الام مابتحب خراب بيت ابنها ،، رح تكون معاملتي معها سطحيه جدا جدا وزياراتي عليها اقل من القليل ،،،، هيه ما صانت النعمه انه الله بعثلها وحده مثلي

طلبت بيت مستقل وبعيد عن اهله بس هو رفض ،، بصراحه حابه اعطيه الفرصه مشان ابنا لحتى مايلومني بس يكبر ويحكيلي انتي رفضتي ترجعي وغير عن هيك حاسيته متحسن شوي معي والخطوة الايجابيه اهله ما بدهم اياني بس هو لسى متمسك وبتوقع ما في اي شي بمنع الرجل انه يتزوج الثانيه والثالثه والرابعه الا اذا كان شايف الاولى مكفيته عن الاربعه

لو كان بده يتزوج او اهله حاولو يجبروه .. كان عملها بالفترة يلي مضت وانا بعيده عنه وما كان في اشي بمنع ،، واظن ما في زلمه بالكون بتحمل يعيش بعيد عن مرته فما بالك بالمده يلي تركني فيها وكنت حامل من بدايه شهر ٣ لغايه اليوم ولساتني عند اهلي وصارلي ٦٥ يوم والدة ابنا الاول

سألته وفعلا مشان يثبتلها رجولته ولما تركني ببيت اهلي كل هالوقت لأنه بعمل كرامه لامه ،،لأني دفشتها عني لحتى احمي حالي منها ومن ابنها لأنها ماسكيتني لابنها حكت اني ضربتها بدل مايصحى ويشوف العكس واهله كلهم رافضين انه يرجعني بس هو متمسك فيّ انا وابنه ، ومش عارفه كيف اتصرف معه ليعجل برجعتي صارلي ٦٠ يوم والده

زوجي صعب حدا يأثر عليه ،، اهله مسيطيرين على شخصيته وهما مابدهم اياني وهو بده اياني وع الاغلب بحاول مع اهله ومش قابلين هاد هو سبب التأخير

حبيبتي مين اهله يلي مسيطرين عليه . اذا امه ممكن بدخولك عليها بالولد وخاصه انها مريضه تنحل المشكله اما غير امه مثل سلافك وخواته فالموضوع ما بخصهم أبدا . ولازم زوجك يحط حد لإلهم انه بيته وابنه اولى من رأيهم وأهم . واذا إن شاء الله رجعت المي لمجاريها خلي علاقتك سطحيه مع الكل . لا تتبادلي معهم اي نقاش وطبعا الضرب مرفوض لأي سبب .

حتى لو ادخلوا طرف ثالث هالمرة بتمشي وترجع لبييتها بس وبعديييين هاااااد عمرررر كامل . اذا بكل مشكلة بدو يطردها كرامه لامه بلاش من هالزواج اللي لا فيه امان ولا استقرار خليه بحضن امه

اكيد بعد هالتجربه هو صحي ع حاله بس ما اثبتلي ولا اظهرلي ،، بيني وبين امه رح تكون علاقه سطحيه جدا وبين اهله كلهم مارح يكون في علاقه ابدا

فاهمين الرجولة غلط هذا أهبل الرجولة بحق وحقيقة بمعاملة الرسول صلى الله عليه وسلم  قدوتنا 

انا ما رحت عليها ولا حكيت معها ،، ما في اي علاقه بيني وبينهم اهله كلهم ولا هما بحكو معي ولا مع اهلي ،،، بما اني ساكنه عندهم انا بالطابق الاول وهما بالطابق الثاني اهلي بحكولي لازم تفوتي تسلمي عليها قبل ما تنزلي ع بيتك ،، هل صح اعمل هيك؟!

حتى لو كانو رافضين فكره رجوعي وما بدهم اياني !!.،؟؟؟؟

دار العم عمرهم ما حبو الكنه بالذات العمه ،، فما بالك بوضعي انا يلي ببدايه حياتها عملولها مشاكل وطلقوها .. طبعا هما من النوع يلي بميزو خلفه البنات والاولاد وبحبو الاولاد اكثر وسبحان الله خلفتهم للبنات اكثر ولو كانو ناويين خير معي او حابين يصلحو اشي كان لما خلفت الولد ركضو ركاض صح او لأ،؟؟؟!!!!!!

زوجي اله من شهر ٩ بترجاني اسامحه وكل مايجي ع بيت اهلي ببوس ايدي وراسي وكذا مرة عيونه دمعن ومرة بكى ،، هو مابحكي مع اهلي بالمرة بس مع ابوي ، واهله مابحكو مع اهلي ولا معي مافي اي علاقات بينا، بما انه امه ساكنه بالطابق الثاني وانا بالاول اهلي بحكولي الصح تفوتي تسلمي عليها بالاول وانا مش عارفه شو اتصرف لأني بحياتي مارح اسامحها ع خراب بيتي ولا رح اسامح زوجي

شو موقفي من اهله بعد الغياب رضيت ارجع ع بيتي بعد ما ذلوني ،، وشو موقفهم مني !!؟؟؟

انا فعلا مش متأثرة الا ع اني كنت طيبه ومنيحه معهم زيادة عن اللزوم متأثرة ع اللي كنت اعمله مشان اكسبهم واكسب رضاهم وبالاخر طلعو مخططين انه ما اضل ع ذمة ابنهم ،، بس المشكله انه مش قادرة اتوقع ردة فعلي وشو لازم احكي عند اول لقاء وخصوصا ما حدا رح يجي مع زوجي ،، زوجي لحاله يلي رح يرجعني بدون اهله ولا جاهة ولا اشي

المشكله اذا بنوي اتخلص من طيبتي مابقدر استمر اكثر من اسبوع وبرجع طيبه وحنونه ،، ومع هيك ناس ما بتزبط الطيبه والحنيه

هي لسى بالمستشفى ما خرجوها ،، بس شو الصح والمناسب لانه هما رافضين وجودي بينهم ورافضين انه زوجي يرجعني بدهم الطلاق

حتى بعد ما دمرت حياتي وخربت بيتي ،، سببتلي بالطلاق

زوجي رافض يوخذني ع المستشفى مشان ما اشوف حدا ولا حدا يشوفني ،، وبده يروحني ع بيته بعد ما تخف الناس روحات وجيات ع امه لحتى ما اتواجه مع اي انسان لأنهم مابدهم اياني اكون بينهم

انا ما بلح عليه ،، بس لحتى يضل متذكر اني طلبت منه كذا مرة وهو اللي رفض .... لحتى مايعايرني فيها لقدام وما تكون هالشغله سبب مشكله جديده بيني وبينه