زوجي تغير ولم يعد يهتم بي

زوجي تغير ولم يعد يهتم بي فانا عمري 26 سنة متزوجة من سنتين وعندي طفل عمره سنة تزوجت زواج تقليدي وفي فترة خطوبتي زوجي كان بيحكيلي كلام حلو وغزل ومديح دايما وانا كنت فرحانة لانه حلم حياتي اني اخذ شخص حساس ورومنسي وزوجي يلي تبينلي بالخطبة انه من هالنوع

رغم انه بالشكل مو جميل وكل ماحدا يشوفنا مخطوبين يستغرب لأنه انا جميلة جدا وملفتة للنظر و زوجي اكبرمني بعشر سنين وباين عليه العمر وبشرته تعبانة وشعره خفيف وهوة يعرف هاد الشي لكن انا مايهمني المظهر ولا العمر ولا الفلوس انا يهمني انه يقدر احساسي ويحبني ويدللني وفجاة بعد الزواج زوجي تغير وبطل يحكيلي كلام حلو ولا حتى كلام عادي

دايما صامت بالبيت وضجران وماله خلق لاي شي حاولت افهم ليش هالتغير يقلي عادي انا هيك طبعي مع انه ربي يشهد اني مو مقصرة معاه ولا من ناحية وبحاول ارضيه بكل الوسائل وهوة دايما جامد ولا يعبر ولا يحسسني بشي شو الحل بليز ساعدوني