زوجي أبداً ما يحترمني والآن يهددني بالطلاق!

السلام عليكم انا متزوجه من ولد خالتي لنا ٤ سنوات وعندي ولد عمره ٣ سنوات وحامل المشكله ان زوجي ابد ما يحترمني وعلى اي شيء يهاوشني وقبل سنه تقريبا غلط علي وحبسني بالبيت فتصرفت بدون وعي وكلمت امي وشكيتها ووجتني اليوم الثاني وقعدو مع بعض ما توقعت بصير شيء بس تمشكلو مع بعض لدرجة مد اليد وانا من هذاك اليوم وانا بس الوم نفسي وبعدها صارت مشكله كبير وخلاني فتره عند اهلي وفكرت اني اتطلق منه بس استخرت وما ارتحت لان عندي ولد وقلت ان شاء الله تتحسن امورنا رغم انه ما سامح امي ولا يبي يقابلها لين يومك هذا وهذي الفتره كانت اغلبها مشاكل ما يحترمني ابدا وعايشه كأني بسجن معه رغم اني مو مقصره معه بشيء من ناحية الاهتمام بالبيت وبنفسي وحتى السوالف والضحك وكأني مع جماد وسجلت بجامعه اداوم فيها يومين الاسبوع رفض اني اروح لها واشياء كثير حتى المصروف ما يعطيني الا نادراً وانا مقدره ان ما عنده شيء اتوقع اخر مره رحت السوق كانت الصيف الي راح .. صبرت كثير بس خلاص اهاناته كثرة وما صرت اتحملها .. اتمنى يستمر هالزواج بس احس انه غلط في حق نفسي،، قبل يومين صارت بينا مشكله وسببها عدم احترامه لي بكلامه وانا ما تحملت ورديت عليه فقام يهددني بالطلاق انه يطول ما يسامحني ويحرمني من اشياء كثير وللمعلوميه ترا السبب تافه جداً ودأما اسلوبه كذا على اي شيء يسوي مشكله .. ودائما يعصب علي ولا يحترمني رغم انه ما يستاهل الموضع ..عشان يسوي كذا اليوم رجع من دوامه الصباح كذا ع الساعه ٦ لان دوامه شفتات وانا نايمه احس فيه قاعد يتقلب لين الساعه ٩ ونص ما نام ... شوي يقوم من السرير يلعني انا وامي قمت انا خلاص ما جاني النوم شوي يجيني الصاله يقولي يبي يتفاهم معي قلت عسى خير قالي انه يبغاني اروح لاهلي اقعد عندهم شهرين او ثلاث السبب حاقد على امي وكاره اهلي كلهم بسبببها ويتمنا هذاك اليوم انه ضربها.... لانها هذاك اليوم عطته كف ومشت وهو كان لساانه طويل .... طبعاً سكت ما رديت عليه ويقولي ولدك معي ما بتاخذينه احتاج حل مدري اذا رحت لاهلي بتكبر المشكله واذا قعدة بتتكرر المشاكل نفسها عشان امي وعدم احترامه لي هو يقولي اذا ارتحت الثلاثه شهور خلاص واذا ما ارتحت يمكن ارجعك الله يسعدكم ردو علي اللحين ما رديت عليه كيف اتصرف ما ابي اسوي شيء اتندم عليه بعدين