أشتكي من بخله المادي والعاطفي!!

انا متزوجة من 20 سنة وعندى ولد وبنت شباب اﻻن ربنا يحميهم طوال فترة زواجى وانا بشتكى من بخل زوجى المادى والعاطفى ومن اول سنه ونحن على خﻻف بسبب عدم اهتمامه بى وبالبيت وكل حاجه عليا انا من سوبر ماركت وسوق وطلبات البيت وطلبات اوﻻد ومذاكرة للوﻻد وفسحتهم رغم انى بشتغل وكنت معيده في احدى كليات القمه وكنت بذاكر مع كل ده .مش بس كده ده كمان هو ببشتغل شغل خاص ويتحجج دائما ان باب الرزق ما بيتقفلش ﻻجمعه وﻻ اى يوم.المهم عدت بينا السنوات وهو شحيح عاطفيا وكل حاجه عنده حرام وغلط وكا بيحبش الدلع وﻻ الرقص وﻻ اﻻغانى وعايش دور الشيخ .لغاية السنه اللى فاتت بعد حد من قرايبه جاب له موبايل هديه اكتشفتانه على عﻻقه بواحده غالبا مطلقه وكﻻم كله حب وهيام عمرى ما سمعته منه ووواجهته بالكﻻم ده فانكر وشد الموبايل وبقى ما يجبهوش البيت وبعدين تطور الموضوع وبنت عمى شافته معاها فى النادى وقالت لى وقلت ساعتها ﻻخوه ووالدته قبل ابويا انا فما كان منه إلا انه شتم اخوه وقاطع والدته ومابقاش يقعد في البيت خالص فاضطريت احكى لوالدى اللى راحله شغله الخاص وانكر كل حاجه وتوه ابويا في كﻻم عن الاكل وترويق البيت واهتمامى باوﻻدى وحبهم ليا وجابه والدى البيت واتفق معاه ادامى اننا نبدأ صفحة جديدة وينسى اى عﻻقه تتنيا وحلفه على المصحف .وبعد كام شهر اكتشفت انه واخدنىانا واهلى على غفلة وانه فرش شقه تانيه ملكه ال كان المفروض نتنقل فيها بعد امتحانات الوﻻد وبيقرط عاينا فى المصروف وانا اللى كنت بكمل من معايا عاشان طلبات الوﻻد هو افتكر انى مش حروح الشقه دى خالص ﻻنى مشغولى بكليتى ومدارس الوﻻد لكن روحت وشفت كل حاجه وكسرت حاجات كتير من كتر غيظى.اهلى نصحونى انى ما اجيبش سيرة حاجه لغايه امتحانات الوﻻد ما تخلص هو ما جبش سيرة خالص عن اللى حصل في الشقه واتلكك على اكله مش عجباه ومن حوالى 3سهور مش بيكلمنى وﻻ بيكلم اﻻوﻻد وبيقول اكتبوا عايزين مصروف يومى قد ايه وحتصرفوه في ايه ويسيبه بالضبط .هو حاليا مش بيكلماى حد من اهلى او اهله وﻻ وﻻده وانا مش ععارفة بعد الوﻻد ما تخلص امتحانات اتصرف ازاى؟؟؟؟؟