كيف أتطلق من زوجي وأساعد نفسي دون مساعدة أحد

السلام عليكم بقولكم قصتي وياليت تساعدوني لأن ماعندي الا الله ثم أنتم أول شي انا عمري ١٩ تزوجت بولد خالتي عمره ٣٢ ومطلق رغم أن اخته قالت لنا أن عمره ٢٨ صح اني انقهرت من حركتها لأنها كذبت علينا لكن مشيتها وقلت أن شاء الله يكون خير لي المهم تزوجت منه وجلست معاه شهرين فقط لأني انصدمت منه ومن أمه وبناتها، انا كنت معتبره خالتي أمي الثانيه ومحترمتها عشان أمي ولأنها أختها وكبيره بالعمر وكنت معتبره بناتها مثل خواتي وأعاملهن بإحترام لكن أصدموني بعد زواجي من أخوهن كانت خالتي تحاول تهيني وتقط علي كلام وماتعبرني قدام زوجة ولدها وبناتها خالتي كانت دااايم تهاوشني عند الجلال وهو خمار قصير اغطي جسمي فيه لأني أستحي من عيالها كانت تهاوشني قدام عيالها كلهم وتحاول تسحبه مني وتقولي ليش تلبسينه هذا مو ستر هذا خبال فقلت لها ماعمر الستر صار خبال انا استحي من العيال وأحب اللبسه و زعلت علي شهر وماتكلمني وانا طنشتها لاني ماسويت شي غلط هي تحب تمشي الناس علئ كيفها المهم خالتي راحت للزوجي وهاوشته تبغاه يجبرني أطلع الخمار وهو ماقالي عن إللي صار إلا لما أنا صارحته قلتله أن خالتي تبيني أطلع الخمار كنت أبيه يوقف معاي ويقول هذي زوجتي وانا أبغاها تلبسه لكن قال لي انا مالي دخل وبكيفك تبين تلبسينه أللبسيه والأفضل لاتلبسينه وأمي تهاوشني عند الخمار فقلت له راح اللبسه ومعجبني وماراح انزله لو ايش يصير المهم خالتي كانت تحب تفشلني يعني كانت تخليني اقوم عشان اجيب لها شي تبيه ولما أقوم تقولي لا لا خلاص أجلسي وقدام بناتها وانا فهمت حركتها وصرت اطنشها إذا قالتلي أجلسي وأمشي واخليها وكانت تقط علي كلام هي وبناتها وإذا أنا تهاوشت مع زوجي بأي شئ هو يروح يعلم أمه وأمه تعلم بناتها لأني مره سمعت وحده من بناتها قالت هم فيهم شئ ليكون بعد متهاوشين وحتئ زوجي مثلهم يعني إذا أنا جلست مع بنت أخته عمرها25 زوجي يحاول يقط علي كلام قدامها وقدام زوجة اخوه ويحاول يقهرني فيها ويقول انها تستاهل كل شئ ولو تبي اي شي والله لأجيبه لها ،، ويقولي قومي جيبي لبنت اختي أكل من إللي بغرفتك؛ وانا أقوم ابروح اجيب لها زوجي يقعد يضحك بصوت عالي بدون سبب وماكان فيه نقاش ويناظر للبنت أخته و لزوجة اخوه ويتبسمون لبعضهم ،، يسوي كل هالحركات بدون سبب ومايكون بيني وبينه زعل هو كذا عند أهله يقط علي كلام ويضحك بدون سبب ومايعطيني وجهه ومايكلمني عند أهله ومرات عند خواته يقط علي كلام يقول المرأه إذا تبي تربيها تزوج عليها وفوق كل هذا أكتشفت أنه يخوني مع وحده يحبها وكان يبيها قبل ويكلمها ،، ومتأكده من إللي شفته و واجهته وأنكر وكان يحاول يمثل علي لكن أبتسامة الكذاب دايم واضحه مهما حاول يخفيها او يمثل عليك ويقنعك!! ،، وأكتشفت أنه يطلع مع بنات وعيال ويسوي علاقه معاهم ،، وحتى لما جاء للمدينتنا عشان عقد قِراننا ولما خلصنا هو راح للأخوي وقاله شرايك أدور لي بنت ابطلع معاها هالليله ،، وأخوي عصب عليه وتهاوش معاه وأخوي قال لي إللي صار بعد ماطلبت الطلاق منه وقال لي أنا ماقدرت أقولك لأن عقد قِرانكم وما أبغئ اكسر فرحتك!!! وحتئ شهر عسل ماطلعني وكلمته قال لي مالك دخل فيني وكيفي وماراح تروحين للأي مكان وحاولت فيه لكن رفض وقعد يصارخ علي وإذا كان معزوم مايقولي وإذا هاوشته يقول شدخلك فيني ومو لازم تعرفين علئ الأقل عطني خبر انك بتطلع برا يعني مرات أعرف أنه معزوم من زوجة أخوه تقولي لاتكثرين عشاء ترا زوجي وزوجك معزومين ، ماتتخيلون كيف جمدت مكاني من القهر ومن إللي قاعد يسويه فيني وكيف زوجة اخوه تناظر فيني وتبتسم لي بسخريه!! ، وخالتي تسألني تقولي تعرفين ولدي معزوم ولالا فكنت أقول لها لاوالله ماأعرف وهي تناظرني وتبتسم وتروح وأنا أكون علئ نياتي ماأدري وبعدين اعرف انها هي بعد معزومه مع عيالها وتسألني تبي تتأكد ولدها يقولي ولالا وإذا كان زوجي يبي يطلع للمكان يروح للأخته الكبيره أو للأمه ويقولهن ترا أنا أبطلع لاتنتظروني علئ الغداء ، وأنا اكون جالسه ومايقولي وقدام خواته وزوجة أخوه ومايعبرني وأنقهرررت منه حيييل وأمه وخواته وزوجة أخوه يناظرون لي ويتبسمون بسخريه وكنت أهاوشه إللي قاعد يسويه فيني كان يقولي مالك دخل ،، وبخيل معاي حتئ لما أجيب للأهلي هدايا بعد زواجي يقعد يصارخ علي بدون سبب ويقولي أنا مو خدام عندك ومو بنك عندك لاتطلبين مني فلوس ،، وأزعل عليه واقوله خلاص مايحتاج ماأبي منك شئ للأمااانه ناااس حقييييره ماكنت مقصره معاهم بشي ومحترمتهم كلهم و زوجي أحقررر منه مافي ، رغم أني جميله مو مدح فيني لكن كل من شافني يمدح جمالي وأخلاقي الحمدلله ومو مقصره معاه ابداً حتئ إذا جاء علي الدور بالطبخ اطبخ إللي يحبه وبالأخير ماياكل من أكلي إذا كان علي الدور بالطبخ وأغسل له ملابسه واكويهم كل يوم وأخليهم جاهزين عشان اذا غير ملابسه كنت اسويله كل شي قبل يطلبه مني وحتئ إذا تأخر بالدوام مايعطيني خبر انه يبي غداء أو لا وماكان يرسلي أنا كنت أكلمه وأسأله أذا يبي ولالا ،، ومرات كان يقولي لا ماأبي غداء ويروح للأمه يقول لها تحط له غداء مع أني سألته لكن ماادري ليش يسوي كل هذا لي جددد جددد انقهرررت منه كثييير ،، وإذا زعلته بشي ماأخليه ينام وهو زعلان كنت أراضيه رغم أنه هو إذا غلط علي كان يهمني اني انا غلطانه ومايعتذر لي بعدها قلت خلاااص إلئ هنا ونووقف الحياة الزوجيه أخذ وعطاء لكن انا عطيت وعطيت وبالأخير ماألقئ اي تقدير وأحترام ورحت عند اهلي وطلبت الطلاق منه و واجهته قدام اهلي عن كل شي سواه لي لكن هو انكرررر كل شي ،، وأمه كذبت علي وعلئ أمي قدام الناس وقالت السبب كله من أمها أمها معبيه راسها علئ ولدي و ولدي ماسوا لها شي وشوهت سمعتنا لكن الحمدالله الناس مو مصدقينها لأنهم عارفينها علئ حقيقتها لأنها كانت هي و زوجي وخواته يعاملون طليقته مثل معاملتهم لي وطلعوا عليها نفس السالفه وقالوا عنها انه بسبب امها حسبي الله علئ كل ظالم و ظالمه! ،، وخالتي قالت للأمي لاتحلمين أنتي وبنتك ببيت ولدي ماراح يطلعها ببيت؛ مع أني ماطلبت منهم وكارهتهم ومابي ارجع له وقالت خالتي للأمي مابي ولدي يطلقها عشان طليقته وأمها مايتشمتون فينا ، سبحان الله عارفه نفسها وأنها سبب كل هالمشاكل هي و ولدها وبناتها!! وكلمت زوجي أكثر من مرره قلتله خلاص طلقني كان يحاول يقنعني انه راح يطلعني شهر عسل فقلت له أنا ماطلبت منك هالأشياء ولاتكثر كلام معاي طلقني بس هذا إللي ابيه لكن إلئ الآن لي ٨ شهور عند أهلي وماطلقني وكلمت أبوي يكلمه يقولي مو لازم نستعجل هو بكيفه يطلق عشان مايصير مشاكل وها ست ابوي لكن ماينفع معااااه وساكت للحين ،، وأخوي(عمره١٨) كلم زوجي لكن زوجي سبني وسب اهلي وأخوي تهاوش معاه طبعاً بالجوال لأن حنا بمدينه وهم بمدينه ثانيه ، وأخوي عصب وهدده انه ماراح يخليه وراح يحاسبه علئ كل كلمه قالها وانا مااقدر اقول للأخوي مره ثانيه لأنه عصبي واخاف يسوي شي معاه ،، وكلمت أمي وقالت انا مالي دخل فيك ، لأن أمي زعلانه علي بدون سبب وتهاوشني علئ كل شي بسبب اختي المتزوجه دايم تسبب لي مشاكل مع أمي وتستانس إذا أمي زعلت علي وتغار مني وتقولي تستاهلين للي صار لك مع زوجك احسن وتتشمت فيني فكنت اقولها استغفري انتي اللحين مستانسه مع زوجك ترئ الدنيا دواره بيجي يوم واشوفك مكاني وماأتمنئ هالشي يصير لك عشان كذا لاتتشمتين لكن صراحه أمي ماقصرت معاي دافعت عني قدام الناس وهاوشت زوجي معاي لكن إذا جت عندنا اختي تنقلب علي وماتعطيني وجهه وتقولي زوجك طيب معاك لكن انتي السبب بكل شي بس اذا جت اختي تقولي هالكلام وتجرحني وماتعبرني تكلم اختي وانا ماتكلمني وأختي مستانسه علئ إللي يصير لي انا ماادري ايش اسوي كيف اتطلق منه وأجل مشكلتي بنفسي بدون مساعدت أحد لاني تعبتتتتت ماأحد مهتم للأمري انا ناويه اكلم زوجي بالجوال واقوله يطلقني واهدده لكن اخاف يقولي سوي إللي تسوينه واخر شي انا اتفشل لأن الخلع بالمحكمة لازم ادله وأهلي رافضين فكرة المحاكم ويقولون مشاكل وانا اصلا ماابي اخلعه ابيه هو يطلقني مماادري ايش اسوي حييل حيييل تعبت منهم ومن اهلي ساعدوني واسفه علئ الاطاله