أنظر له بأن مستواه العقلي متدني بالنسبة لي

انا تزوجت زواج تقليدي صالونات من 5 سنين وبدات الحكاية بشاب عادي يشتغل مدرس وانا متخرجة من كلية تربية و بيشتغل بعد المدرسة في الفلاحة وبابا وماما مصدقوا حد طيب وصادق يتقدملي هما شايفين انه مفيش حد بيتقدملي ودي فرصة ذهبية وسط الشباب الفاسد اللي انتشر لكن انا كانت نظرتي ليه انه مستواه العقلي متدني بالنسبة لي فانا متفوقة دايما وارفض الكسل وارفض اي افكار سلبية داخلي وادركها بسرعة واعالجها على عكسه طبعا واتجوزته وبدات معاه حياة زوجية فيها مميزات وكمان فيها عيوب لكن مشكلتي انه سلبي في كل مشاكله اليومية الملحة وده طبعا انعكس عليا لاني حاولت معاه كتير اوي لكن دون جدوى اصبح لدي 3 اطفال اصبحت حزينة جدا مكتئبة دائما فانا يومي 24 ساعة منهم 3 ساعات نوم فقط متقطعين اقوم بكل شئ في البيت مليش لا صاحبة ولا اخت ولا اي بني ادم اكلمه فانا بين اربع حيطان اخدم ال 3 اطفال واربيهم بالشد والجذب بالطبطبة والقسوة شوية وانا الان اشتغل بمدرسة لكني لا اثق باي بني ادم لان مجتمعنا صعب حتا اصحابي في الجامعة كل فين وفين لما اشوفهم او يكلموني وبصحى على هم العيال وقرفهم وبنام وانا مكسحة من خدمتهم ده غير جوزي اخر الليل عاوزني ابقا عروسة على السرير ويقولي انتي بتعملي ايه زيادة عن كل الستات طب ما كل الناس على هذا الحال لكن الحقيقة انه مش بيقول كلام حلو ورومنسي عاوزني انا اللي اقول واعمل وطلبت منه كتير انه يبذل اي مجهود عشان يخرجني من الحالة دي ويفصلني شوية يخليني اخد هدنة ولو كل شهر مرة .. بكل سلبية : وانا اعملك ايه انتي اعملي انتي قولي الكلام الحلو . فكرت كتير في كل حاجة وحشة في الدنيا ودايما مكتئبة جدا