زوجي لايحبني ولايحترمني ولايقدرني

السلام عليكم ورحمة الله وبركاته أنا متزوجة ولي ثلاث سنين مشكلتي مع زوجي 1. زوجي لايحبني ولايحترمني ولايقدرني وكلما صارت مشكلة بيننا شتمني وذلني ويسب أهلي ويسب اليوم ألي عرفني فيه دايم يقولي ماتعرفين تطبخين ولاتعرفين تضيفين ولا تعرفين تكلمين ويقول أنتي مرضانة يبغالك معالجة ويرغمني بالأعمال لا أستطيع أني إسويها وإذا أشتكيت له بشي يضايقني يقول أنتي كذابة والله يقول كذابة أنتي تبغين أنا وأهلي أشلاء متناثرة تبغينا كل واحد في ديرة أقسم بالله العظيم كرهت الإجتماعات مع أهله وصرت لا أتكلم مثل الناس صرت أ تلعثم في كلامي صرت أشك فيهم أنهم يكرهوني مثل ولدهم وصرت أخاف من حياتي المستقبلية .. أنا ولا أزكي نفسي صاحبة دين وخلق وزوجي رجل مقصر في دينه .. فيستهزي بديني.. وش أسوي وكيف أرضيه .. وإذا نصحته كذبني . وكلما صارت مشكلة بيننا راح لأهله وأخوانه يقولهم وش صار بينا.. وأقسم بالله العلي العظيم حتى في الفراش بيننا يقولهم وش صار . والله أني تعبت منه وأطلب الطلاق منه من زمان بس يتعذر باأولادي ثنين صغار .. تعبانة منه بالمررررة دايم يقارني بيني وبين حمواتي يقول هم أحسن منك في طبخي وفي تدبير البيت .هل صدق يبغالي معالجة نفسية والله صرت أشك وأيقن أني مرضانة ولازم أ تعالج.. المشكلة مافي شي يدل أني مرضانة . إذا صارت بينا مشكلة قلبها ع ألي باله ولا أقصد فيها شي . ألفاظه وسخة وقبيحة بالمررررة. والله أني تعبت منه يقول أنك تبغين فلوس تبغين أني أكون خاتم بأصبعك . يفهم كل شي أقوله غلط ويقلب الكلام ع مزاجه .. ويبهتني بكلام والله وربي شاهد عليه ماقلته .. وش أسوي عطوني حل قسم بالله العظيم اني أتمنى الموت .. وصار ألحين يمد يده عليه .وربي ياااقلبي مليان كلام وألم ولا أقدر أعبر وأقول ألي بخاطري .. أقدر أبكي ودموعي تسمحلي بس كلام وأطلع ألي بخاطري ماقدر ورب البيت ينكتم الكلام ألي بخاطري ماقدر أعبر وأكتبه . خلى الثقة ألي فيني مهزوزة . أصبحت لا أثق في نفسي .. والله وربي يشهد عليه كنت قبل الزواج ثقتي فل وأني صاحبة بيت بمعنى الكلمة.. بعد الزواج كل شي يتحطم قدامي وظيفتي وخسرتها عشانه واجتماعاتي قلت عن أول كلها عشانه .. قلت زيارتي لأهلي عشان أرضيه يبغالي دايم مقابلة أهله وحتى إذا جيت لأهله وضيفوني يقول ليش جالسة كالملكة وحاطة رجل ع رجل ولاتساعديهم وأن قمت ومساعدتهم حلفو أن أجلس ..