أغار عليه من زوجته الأولى

مشكلتي انا زوجة تانيه وبحب جوزي اوي اوي وبغير عليه من الأولى بشدة ودي الحاجه الوحيده اللي مزعلانه من بعض مع العلم احنا متجوزين بقي لنا سنتين وهو عايش معايا انا ومش بيروح هناك الا الطوارئ وبيحبني انا وصديقي جدا وبنتعامل مع بعض كأننا مش متجوزين لكن كأننا لسه مخطوبين يعني انا الحمد لله سعيدة اوى معاه وهوكمان لكن اللي مخليه صابر علي الأولي معاه ثلاث اولاد أكبرهم تسع سنوات المشكلة ان أعصابي تعبت من كتر التفكير كل يوم أفكر أنه هيروح عندها مع انه عايش معايا زى ماقلت قبل كده لكن دماغي مبتفصلش من وقت مابصحي لحد ما يجي من شغله مع اني عارفة انه مش بيحبها خالص وملهاش اي اهميه عنده وهي مش حلوه خالص بشهاده الجميع وقبل مايتجوزني علاقته الحميمه معاها كانت كل كام شهر مره وهي اللي قالت لي الكلام ده بنفسها وقالت لي أنه معندوش رغبه ليها و لوكان ليه مكنش اتجوز عليها بس برده في أوقات بيروح من غيرما يقول عشان معملوش مشكلة واتخانق لكن انا بعرف لما ارن عليه وميردش فبفهم علي طول أنه كان هناك وأول ما يجي يحاول يألف اي كدبه بس انا بكون خلاص فهمته انا دلوقتي تعبانه من كتر التفكير حتى وزني كله نزل حاولت اكتر من ميت مره أطلق او اسيب البيت مش بيردي ابدا ومتمسك بيطريقه غريبه وبيقولي علي طول انا بعت الدنيا عشانك وانت عارفه ازي بحبك ماقدرش أعيش من غيرك لكن انا مش قادره اتحمل غيرتي عليه وبرغم اني عارفة غلوتي عنده وأنه ساب عياله عشانى وبرغم اني اجمل منها بكتير بشهادتها هي شخصيا لدرجه انها قالت لاخوه ومراته من حقه يقعد معاها علي طول دي جميله بس برده مش قادره اتحمل فكره يكون هناك يوم وتتمحك فيه ويحصل علاقه بينهم من باب أنه حقها مش قادره اتحمل وقلتله روح بعيالك وسبني هو اللي ماسك فيه اعمل ايه أرجوكم فيدوني تعبت من كتر التفكير