زوجي يسيء لأمي و مقصر مادياً معي

السلام عليكم احب ان اطرح مشكلتى هنا بس مش عارفه ابتدى من فين مشكلتى مع زوجى انا متزوجه من 3 سنوات اول الجواز كان كويس جدا معايا لحد حملى الاول وعند الولاده جبت امى عندى لانى بالغربه ومن اول ماجبت امى بدا يظهر ع حقيقتو اسلوبه كان سىء جدا معاها لدرجه انها كانت ممكن تتكلم معاه وهو ميردش عليها ولا يكلمها ويتشاغل عنها بمسكه للتيلفون انا وقتها كنت حقيقى مصدومه فيه اول مره يتعامل بالطريقه دى وخصوصا انه بداها مع امى ومع الاسف انا معرفتش ارد حق امى وقتها وبعدها كنت مقدمه ع شغل ليا وجائنى التعيين نزلت مصر عشان اقدم ورقى واخلص الاجراءات وهو اقام الدنيا ولم يقعدها بحجه الغيره وان اكيد هيكون معايا رجاله ممكن يعاكسونى!!.. امى كانت خايفه عليا جدا من انى اسيب شغلى ومن غدره ولكن هو اتفق معايا مقابل اسيب الشغل انه هيفتح ليا حساب بالبنك ويعمل استقطاع شهرى من راتبه لحسابى بتمن الراتب اللى هاخده ف مصر ووافقت...رجعت من مصر بعد ماسبت شغلى للبلد الخليجيه اللى قاعده فيها لاكتشف ان اختو باعته ليه كلام تهزيق جارح ليا ولعيلتى ولاهلى وهو معملش اى رد فعل نهائى ليها ولا فكر ان ياخد حقى ولا يرد كرامتى اللى اتجرحت...دلوقتى انا حامل بالسابع واكتشفت من يومين بس ان الحساب اللى كان مفروض فاتحو ليا من سنه ولابنه بردو من سنتين غير مفعل وان معملش الاستقطاع البنكى من ساعتها لينا كل اللى عملو ان بس فتح حساب لكن بدون رصيد ع الرغم ان بردو اكتشفت ان بيبعت لاهلو تقريبا كل شهر فلوس كتير جدا.... دلوقتى انا مفروض ميعاد ولانى قرب ومفروض ان انزل مصر عشان اولد هناك وخصوصا ان امى بعداللى عملو مش هتيجى تانى وهو مش عايز ان انزل مصر