ضعف شخصية أمي سببت لي الهم والموت

السلام عليكم أنا أمر بظروف لا يعلمها إلا الله ... كل أقربائنا معادين لي ولأهلي لأن أبي يملك أموال كثيره وهمه داخلين طمع وأبي ضيع من عمره ووقت لحتى يجمع هالمصاري وانحرمنا منه بأوقات كنا فيها بأمس الحاجه لاله وما كانوا يسألوا عنا وسرقوا بيتنا وعيشونا ببيت كنا بنصحى كل يوم بنلاقي السقف بينزلوا منه علينا يوميا وانحرمنا من امي لان عماتي وستي كانوا بيضربوها ويسبوها فكثير كانت تترك البيت ونحن بنظل لحالنا .. وامي ماكانت تشكي ولما كان بابا يرجع من السفر كان يعصب من امي مع انه نحن كنا شايفين كل شيء بس مابنحكي لحتى بابا ما يحكي انه نحن واقفين من امي يعني شوفنا الأيام السوداء ... وامي ماكانت تهكل همنا وكبرنا قبل عمرنا وتحملنا مسؤولية ما بتلائم عمرنا ... وامي ما اعطتني الحنان يلي بلائم اعمارنا لهيك اتعودت ع عادة لساها ملازمتني لهلا وبلوموني عليها وانا بدي اخلص منها بس مش قادره اخلص من شيء اله سنين معي وبلجألها وقت كون مهمومه وبالاحرى كل الأوقات وامي خجوله وضعيفه وما بتثق بحدا وع هاد الشيء عودتنا ... وانغماسي بدراستي وبس وبعد ما اتفوقت متل مابده بابا لحتى اثبتله انه نحن بلاه قادرين نعمل كل شيء ... وحاولت انتحر لانه شخصيتي ضعيفه وما الي اي هدف بالحياة مع انني احمل الان شهادة ماجستير بمعدل عالي ... لكن دائما ما يتردد فبالي فكرة انني خلقت عبثا ما عم بفيد الله بشيء كل همي ومساعي اني اموت ... جربت ان اقوى ان انهي عزلتي أن اتوحد مع المحيطين لكن للأسف كلمالي بكتشف انه عزلتي افضل ... ربما فاتني الوقت وأضعت اجمل لحظات الدراسه التي يفيض الندم داخلي بأنني لو عشتها ولكن فاتني كل شيء ...