كيف أتعامل مع زوجي الذي يعاقبني بالصمت؟
من مجهول
تاريخ النشر: 19-11-2024 3 إجابات
كيف أتعامل مع زوجي الذي يعاقبني بالصمت؟ Hنا عندي 24 سنه و زوجي اكبر مني بـ 8 سنين متزوجه من سنتين و معايا بنت زوجي بخيل مشاعر و بخيل ماديا حصل خلافات كتير بينا و لما نتخانق يعقبني بالصمت التام و لو مابداتش انا اصالح ما يصالحش ابدا طبعا اهم حاجه عنده التلفون و لما اقوله كدا يقولي انا مش عارفه انت عاوزه اي ما يقعدش معايا غير لو هنسمع مسلسل فيلم بس غير كدا مافيش لغه حوار انا بحكي له كل حاجه عني و عن اهلي هو لا مش بيحكي و لما اقوله كدا يقولي انت تعرفي عني اللي اهلي ما يعرفوش
غير انه اهم حاجه عنده انه يقعد مع اخته و دا مش مزعلني والله بس هي اهم مني و لما قولته انت مش بتحب تقعد معايا يقولي انا مش هتبرا عن اهلي عشان خاطرك و انا والله مطلبتش كدا لانهم اهله من ابسط حاجه بيتخنق و ياخد جنب حاجه باظت ماتش كوره حاجه ف الشغل و لو حاولت اقوله متزعلش هتتحل يقولي لا مش هتتحل و خلاص اسكتي و لما بعدها الومه يقولي ما انتي افكارك تافه عمره ما خرجني او حتي لو ف مشوار عند اهلي يقولي انا مش بحب كدا
فيه مرة الخلاف زاد قوي لأنه مش بيكلمني من غير سبب ولما اسئله مالك يقولي مافيش مخنوق شويا يفضل قاعد برة بس مش بره البيت ولما اطلع قعد معاه يخترع بميه اختراع عشان أدخل، خلاني اڜك فيه قولت يبقي ف حاجه قولته يقولي انتي علي طول كدا و انتي بتفتشي في تلفوني أنا عمري لمست تلفونك حتي لغي صفحته علي الفيس وعمل صفحة تانية ومبعتليش حتي طلب و قولت عادي خليه براحته
الكلام الحلو دا لو انا مقولتش ليه عمره ما يقولي كلمه حلوه لو اتعاركنا وشايفني بعيط جامد يسبني ويدخل ينام ويقولي هو انت كدا علي طول نكديه نفسي يطيب خاطر بكلمه و قولته لما نتعارك حاول ترضني و فهمته بس مافيش روحت عند اهلي و حصل مشاكل كبيره و غلط فيا و يقولهم طلاق مش بطلق و ترجع زي ما مشت و لو ان قربي أدخله يقولهم انا هجيبه حتي لو بالشرطه هرجعها و رجعت لما جاه و قولته نبدأ انا و انت صفحه جديده و تبقي واضح معايا و انا كمان لو فيه حاجه مضايقه التاني نقول لبعض و لما حاجه ضايقتني قولته يقولي متعلقيش علي كل كبيره و صغيره كل واحد فيه اللي مكفيه
و اعتذر له و قولته انا نفسي احس بوجودك يقولي ان شاء الله ما انا موجود اهو بتكلم معايا بانه بيكلم راجل مش ست ف اخر مرة يقولي تعبانه تبقي مخنوقه مش تعبانه بردو مخنوقه انا زهقت كل دا عشان بقوله مش بتسال عليا اخر مرة رن عليا كانت من شهر الكلام واتس بس يومي مايعرفش عنه اي حاجه قولته خلاص اللي انت عاوزه عاوزني متكلمش و ماحكيش حاضر قالي اعمل اللي انت عاوزه و بقيت كدا ولا بتكلم معاه غير ف امور البيت لو محتاجه حاجه ولا يحكي عن اي موضوع
بس صعبان عليا نفسي لانه محاولش حتي يقولي مالك متغيره لسه لو طلبت طلب للبيت و عارف انه غالي بس مش غالي جامد و طلب ضروري يقولي مش موجود و لو علاج ليا يقولي كدا او يقولي جبيه انت و يبقي سايب مبلغ عمره و هو عارف انه يكفي الحاجه دي عمره ما دخل عليا بحاجه حلوه غير لو طلبتها و لازم اطلب حاجه واحده او اتنين بكتير مش عارفه بجد اتعامل معاه ازاي و هو من النوع المقفول جدا يعني من البيت ل شغل يعني لما ابعت له حاجه اقوله اسمع دي عشان تعرف ان كل الستات كدا يقولي بعت لي حاجات لكني جاهل قولته لا والله مش قصدي بس عشان تعرف و لو اسلوبي مش عجبك ف الكلام اهو مش عارفه اتعامل ازاي بدات اكره و صعب اني أكلم اهلي تاني و اهله بعد اللي حصل ياريت لو فيه حل
شارك في الاجابة على السؤال
يمكنك الآن ارسال إجابة علي سؤال
كيف تود أن يظهر اسمك على الاجابة ؟
- من مجهول
تعرفي انا اتمني ان ربنا يرزقني بزوجه زيك والله العظيم انا لسه سايب انسانه عارفها من 4 سنين كنا اصدقاء علي الرغم من اني عمري ما شفتها ولا سمعت صوتها لكن حبيتها علشان شخصيتها جميله وكويسه وعندها دين وخلق لكن عيبها انها زي جوزك دا اللي هو متوحده ومش بتحب تحكي ولا تسال عليا وقت ما اسالش عليها لسه قافل معاها خالص وبعدت عنها لما سالتها ايه السبب اللي مخليكي مش بتسالي خالص ولا بتحكي عن حياتك ولا حتي كاني موجود في حياتك قالتلي انها هي كدا وطبعها كدا ومش هتغيره خالص قولتلها تمام اللي يريحك حتي هي قالتلي اني انا وهي مختلفين عن بعض وفهمت من كلامها اننا نبعد عن بعض علي الرغم من اني كنت ناوي اتجوزها لكن لما قرات قصتك عرفت ان دا احسن حل ليا وليها وانتي نصيحه مني ليكي لو انتي مش حامل لسه احسنلك اطلقي انتي لسه عمرك 24 سنه يعني من عمري تقريبا وجوزك دا نوعه اللي هو من الشخصيات البارده جدا اللي معندهاش مشاعر معلش لكن صدقيني هو مش هيتغير هما طبعهم كدا انا البنت دي من سعت ما عرفتها وهي كدا لكن خلاص جبت اخري صبرت واستحملت كتير ولكن خلاص فاض بيا وانتي هيجي يوم مش هتستحملي صدقيني فا الافضل انكم تسيبو بعض دلوقتي احسن ما يعدي العمر عليكي او يكون في طفل ثاني بينكم وصدقيني بنتك دي هتعاني كتير جدا لما تلاقي ابوها انسان مش مهتم بيها ولا بيكي وهتعاني من المشاكل اللي بتحصل بينكم فا احسنلك سيبي انتو شخصياتكم غير بعض خالص ومختلفه تماما انا عن نفسي بدعي ربنا من كل قلبي انه يرزقني بزوجه زيك والله العظيم اكون صريح انا وهي في مشاعرنا مع بعض ونقدر نتناقش ونحل الامور بالراحه مع بعض وبهدوء ونفهم بعض واخرجها واجيب ليها الاكل ونعمل انا وهي الاكل في المطبخ ونكون سعداء مع بعض وتنتظرني علي الباب وتستناني وتحاول تلاقي حلول لمشاكلي وتساعدني واساعدها في تحقيق اهدافها واحلامها واسمع مشاكلها ونروح لاهلنا مع بعض والله ادعو الله ان يرزقني ويرزقكي بالزوجه والزوج الصالح والذريه الصالحه وزي ما قولتلك انا مش عايز اكون سبب في خراب بيت لكن للاسف حلكم الوحيد هو الانفصال لان شخصياتكم مختلفه عن بعض تماما يا اما هو يتغير ويروح يتعالج
من مجهول لا افهم سبب تصرف زوجك معك هكذا هل كان هكذا من قبل أم أنه أصبح هكذا الآن لانه لو لم يكن هكذا من البداية إذا من الممكن أن يكون تصرفك انت معه هو الخاطئ مثل ما يخبرك أيضا ولكن انت غافلة عن ذلك انا ارى انك أيضا تحاولى أن تطلبي منه كل شئ لك لماذا لم تحاولى أن تسأليه عن حاله عن عمله وتحاولى أن تفعلي له شئ يسعده تحدثيه بالكلام الجميل هو مثل ما تريدين لكن تطلبي انت فقط دون أن تقدمي له أيضا مثل ما تحبين راجعي نفسك لعل طريقتك هى السبب فى تعامل زوجك معك بهذا الشكل
من مجهول في الحقيقة انت تقولي كيف أتعامل مع زوجي الذي يعاقبني بالصمت ولكن انت لابد أن تغيرى انت من نفسك لا من زوجك إذا كان زوجك هكذا فإن أفضل حل له هو التجاهل بحيث لا تتحدثى معه ابدا عن لماذا لا تهتم لماذا لا تتحدث لماذا لا تفعل كل ذلك لا تنتظريه من زوجك انا أتفهم أنه من حقك كل ذلك لكن دون أن تطلبي ذلك لكن هو لا يفعل إذا انت تطلبي لاتفعلى ذلك اعزى نفسك واهتمي انت بنفسك حبي نفسك وامنحيها الاهتمام غيرى شكلك ومظهرك وكوني مرحة ولا تطلبي ابدا منه الاهتمام مهما كان ابدا بحيث يتعجب من تغيرك وصدقي هو مع الوقت حتي وإن طال سيتقرب منك ويتحدث هو معك
شارك في الاجابة على السؤال
يمكنك الآن ارسال إجابة علي سؤال
أضف إجابتك على السؤال هناكيف تود أن يظهر اسمك على الاجابة ؟
احدث الوصفات
فيديوهات ذات صلة
مقالات ذات صلة
اختبارات ذات صلة
أسئلة ذات صلة
مقالات ذات صلة
احدث مقالات قضايا اسرية
احدث الوصفات
احدث اسئلة قضايا اسرية
اسئلة من بلدك
احجز استشارة اونلاين
