زوجي استغلني مادياً ومعنوياً وعاطفياً

انا حبيت راجلي برشة قبل العرس لحد اني فوتلو في كل ما املك قرابة 350 الف دينار. بنيت معاه الدار. شريتلو كرهبة شخصية. شريتلو 2 سيارات اجرة. دفعت كل ديونو. كان متزوج و في طور الطلاق و عندو طفل في كفالة امو. لكن قبل الزواج بشهر اكتشفت حقاءق مدمرة: خطيبي استغلني عاطفيا و ماديا و معنويا. الطلاق كان خطة بينو و بين طليقتو باش ينحولي شقا عمري الكل. كان عايش معاها طول مدة معاملات الطلاق. حتي انو انجبتلو طفل اخر لم اعلم بوجوده الا قبل زواجي منه بشهر. اوهمني بديون غير موجودة وولقيت روحي قدام الامر الواقع يا نتزوج و نعيش في رزقي يا نرفض و نخسر كل شيء. تو 4 سنين ما نجمتش ننسي اللي صار علي. ما نيش منجمة ننسي و لا نسامح الشيء اللي مررلي حياتي و مش مخليني نفرح لحتي شيء لا داري و لا اولادي و لا حياتي. ديما نبكي و ديما حزينة الشيء اللي بدا ياثر علي ولادي.