ساعدته خطوة بخطوة فبدأت نزواته

صباح الخيراسأل بالله كل شخص بشوف مشكلتي يكملها للاخر وينصحني لوجه الله لاني بأمس الحاجه للنصيحه اخواني انا متزوجه من 15 سنهكان وضع زوجي المادي مأساوي طبعا عرفت هالشي بعد الزواج لانه كان بيشتغل عند ابوه ووضع اهله مرتاح بس ما كان ابوه يعطيه الا يلي بسد جوعه فقط وهو ما خبرنا بهالشي ولا حتى بفترة الخطبهبعد ما تزوجت ما كان عندي مشكله انه اضحي معه وامشي معه بالحياة خطوه بخطوهخلفت بناتي التنتين اول اربع سنواتخلالها ساعدته بعتله دهبي و اتداينله من اهلي وكنت احرم حالي وبناتي شغلات كتير بسبيل ما اضغط عليه ماديا وادبر اموري بلا ما يشعر بحاجتي وحاجة بناتيمشيت الايام شوي ووضعه صار يتحسنوبلش نزواته كشفته وواجهته كان يتعامل ببرود وينكر كل اشي وخبرت اهله وزاد تعامله سوء صار على ضرب واهانه لحتى ربي حلها و اتزوجت البنت الي كان يعرفها بعدها بفتره بسيطه رجع تعرف على بنات تانيات وطبعا كلهم ناس دون استعملت معه اسلوب التغابي اني مو حاسه بشي وانا من جوا بتقطع وصار يبعد عن البيت اكتر واكتر صرت اصور محادثاته واخبيها بلا ما يحس كان كلامه وصوره كلها مخله للادب يعني عقله وتفكيره كله حيواني بحت وللعلم انا مو مقصره بعلاقتي الزوجيه معه ابداطول هالفتره صار يفتعل مشاكل بالبيت من ولا شيوصار الشك فيني ياكله كل اشي ممنوع ممنوع احكي تلفون حتى مع امي التلفون احمله بس لادر عليه هو وبسممنوع يكون عندي اي وسيله للتواصل الاجتماعيحتى بالبيت كل شوي بيحكي شو بتعملي من باب الشك لا اكون بعمل الغلط ومن غبائي كنت ستر وغطى عليه ما حد من اهلي بيعرف عن قذاراتهتعبت نفسيتي ونفسية بناتي كتير صرت احس انه كل شي جواتي انكسر دمعتي ما عادت فارقتني ولا فارقت بناتي بطلت اشعر انه في موده او رحمه بينا كسر كل شي حلو جواتناليش هيك بصير بالزوجه يلي بتفني نفسها لزوجها ليش هيك بتكون المكافأهما عدت شعرت بالامان معهرح ارجع اكملهو ضل متعود على بخله و مو حاسس بمصروف لا الي ولا لبناتي ولا اي طلب كانت اخد من اهلي اي شي بيلزمني على اساس انه مسكين ورزقه قليل عمري ما ذميته ولا خبرت حد عن بخلهكان كل هدفه يلم مصاري ما بعرف ليش خلقت المصاري لتسعد البني ادم مو لتذله جمع مبلغ منيح وحطهم باسمي لانه عليه قضايا وبخاف ينحجز رصيده وكنت يشهد الله مجرد اسم على ورق ما عمري فكرت اني اخد قرش منهاخر فتره رجع تعرف على وحده متزوجه وصارت حياتنا جحيم اكتر صار يتهمني مباشره ويحط بشرفيوقتها قررت اخبر اهلي بكل اشي عانيته وخبيته عنهم خلال ال 15سنه مباشره اخدوني انا وبناتي عندهم بس للاسف ما بدهم مسمى مطلقه يعني اضل عندهم انا وبناتي طول العمر بلا ما اتطلق عاديوهو ما بده يطلقني لانه المصاري باسمي وانا ما بدي اياه و هلا مستحيل اتنازل عن الفلوس لانه عندي بنات المستقبل قدامهم ربي يقدرني اربيهم ويعوضو الضلم الي عاشوه وهم احق شي بهدول الفلوسعايشه بدوامه ومو عارفه شو اعملاعتبروني اختكم وانصحوني