حجته بأمه المريضة

السلام عليكم مشكلتي في زواجي لما تقدم لي زوجي أخبره اهلي اني مرفهه من حيث شغل البيت وهما قالو ماعايزين منها شئ وهذا هو طلبنا وطول الخطوبه أبي يؤكد لهم وهما رحبو جدا ومن أول ما تزوجت كنا بناكل مع اهل زوجي أنا وزوجي وأخوه وزوجته وأمه وأبيه وطريقتهم اتغيرت معايا من اول مااتجوزت معني كلامهم احنا جايبنك لشغل البيت وحصل إهانات كتير جدا وعديت مواقف كتير بس خلاص ماكنت قابله اقعد معهم وقررت أكل لوحدي في شقتي بس زوجي بيقول إذا اكلتي لوحدك أنا هاكل معهم هاكل مع امي لأنها مريضه حتى مازعلش منهم على اللي عملوه معايا بالنسبه لأمه أخوه الأصغر كان بيده يتزوج قال لزوجي زوجني حتى اجيب وحده لخدمة أمي هذه كانت حجته لأنه كان عايز يتزوج وزوجي تكلف كل مصاريف زواجه عشان أمه المريضه يعني في حد مع أمه هي ماانها لوحدها أخوه ومرات أخوه وأبوه مع أمه وهما اهانوني كتير حتى قالولي احنا جايبنك لخدمة أمي ولو مش عاجبك اتركي البيت ومع هذا كله زوجي بيده ياكل معاهم ويسبني لوحدي وحجته أن أمه مريضه وعايز يأكل معها مع العلم هو زوج أخوه عشان أمه ومتحمل كل مصاريف علاجها يعني ما قصر فيها بس أخوه ما قدر اللي عمله عشانه ومااحترمني ولا أهله احترموني قوليلي اعمل ايه في موضوع أنه هياكل معاهم ده ومحدش يقولي استحملي عشان دول أهله أنا استحملت كتير وهما اهانوني كتير لدرجة اني انطردت من البيت وحتى مااعتذرولي ومستغلين زوجي من ناحية المصاريف وعلى الرغم من كل اللي عمله عشانهم مااحترموه ولا احترموا مراته وماحدش يقول عشان أمه مريضه هو زوج أخوه عشان أمه وبيدفع كل مصاريف علاجها يعني عمل اللي عليه قوليلي اعمل ايه