زوجي رافض نعيش معاه والمشاكل مستمرة

السلام عليكم .. مشكلتي تزوجت بعمر 23 من مديري كنت اشتغل معو موظفة بمحل ملابس بمول كان في اعجاب من طرفي وهوة معجب فيني وحاببني واجا يوم من ايام اعترف لي وقلي فكري وانا ارضيت فيه ومع انو اكبر مني كتير ومش متعلم مو ماخد ثانوية وكان متزوج وطلق هوة من مصر من صعيد وعندو ولد متشتت عند اهلو واهل مرتو شوي بمصر ابنو ومرتو اولانية بمصر مرتو تزوجت جديد ممكن صرلها سنتين او سنة ونص ووالدي ما كان راضي عالزواج بس انا وامي اقنعناه شدنا اخلاقو بس كان معروف عنو بالشركة عصبي كتير ولكن اهتميت ب اخلاقوانسان شفت فيه الزوج الصالح و خطبني وفترة الخطوبة بلشت اتردد فيه بس ما قدرت اتركو لانو ما كان في شي امسك عليه وتوكلت على ربنا واتزوجنا وبشهر العسل كنت مبسوطة ولكن بعد شهر العسل صار مشاكل كتيير واهلي كان يحكولي هاي عادي أي حد لسا جديد متزوج بصير مشاكل وبعدين شوي شوي نتعود عبعض هلاء صرلنا تلت اسنين ونص وعندي بنت منو مشاكل كل شوي بعد كم شهر من زواج بهددني عالطلاق كل ما نتخانق وبكون مخانقات اكتير صغير واي زوج وزوجة ممكن يصير سوء تفاهم وكل وبعدين دخلت اهلي بهالموضوع بطل يهددني بس بلمح وما بقدرني شو ما عملت هوة وضعو مادي ضعيف جدا من اول زواجنا ديون وكل ما نسدد يطلعلنا دين ولهلاء كتتييير اشياء صارت بس ما بدي طول عليكم المهم انا راضية وصابرة وما بطلب شي وبستخصر بحالي كتيير وبخاف عفلوسو مشان وضعنا وهوة عاطل عن العمل هلاء وكمان اشتغلت اكتر من مرة كرمالو وهلاء بدي اشتغل كمان مرة كرمالو بس مو مقدر شو ما عملت وبعطيه كل راتبي شو بدو اكتر من هيك بس هوة مستهتر فيني كتييير واسلوبو معي عصبي انا بقول ممكن مشان ما الو شغل هلاء فا بتحمل معلش مشكلة وتزول بس زاد عن حدها بعاملني مش منيح وتاركني عند اهلي وهوة عند صاحبو بمدينة غير مدينة الي انا فيها لانو في محل النا انكسرنا فيه وحيبيعو او يشوف موظفة فا بستنى ويلاقي شغل بس جديد اخدنا بيت اجار بنفس مدينة عند اهلي هوة بروح وبيجي عالعين بس ما بقلنا نبيت عندو بالبيت الي اجرنا هادا اهمال وماعم يبينلي بلاشتياق صرلو مدة مش شايفنا ولما احكيلو راي بشي ما يعجبو يعصب وبقول بعمل يلي بدي ياه انا مو انتي وبنام لحالو بالبيت ولما ياخدني عالبيت بيقلي يلا يلا بدو يخلص بروح بسهر مع اصحابو وما بقلنا نطلع مع بعض بدايق بس اطلب منو كتير انا واهلي حكيناه معاه مشان ما اخرب بيتنا بس عالفاضي انسان عنيد وما بحب نصيحة من حد من قبل ما ننكسر بالمحل وقبل ما يتعطل عن الشغل والحمد الله انا متعلمة وحلوة والكل شاهد وصغيرة قبل كنت خاطبة حد من عيلتنا وبعدين تركنا وهلاء هي امو ندمانة فا انا كتيير تعببانة نفسيا من مجتمع ما برحم ومشان بنتي بكرا بنتي بتتجوز وتشوف حياتها وانا عمري لسا بالعشرينات اهلي بحكولي اهم شي انتي ومش مهم الناس مهم سعادتك ولساتك صغيرة وحياة قدامك ميت الف واحد بتمناكي صح كلامهم بس خايفة مشان بنتي والمجتمع وخايفة من الوحدة بعدين بنتي تتزوج واهلي ما حيضلو معي طول العمر وانا حضل لحالي شو العمل ؟؟؟ شو تنصحوني ؟؟؟