بيخوني ويضربني ويشتمني لكن بحبه!

مشكلتى انى بحب طليقى بالرغم من اهانته ليا وتعذيبه ليا وضربه وذله ليا بس مش عارفة ليه بحبه انا ما قعدتش معاه غير ٣شهور بس واستحملت منه حاجات كتييير خيانة وبخل وبياخد مرتبى وبيضربنى لما نتناقش بس رايى مش بيعجبه ومش عايز يتحمل مسئوليات و بيقولى انه كان يعرف ستات قبل ما يتجوزنى وليه علاقات جنسية معاهم وبيعد يوصفلى جسمهم وانهم احلى منى فى حاجة معينة مثلا كلام مقدرش اقوله ويقولى الكلام ده بطريقة بين الجد والهزار ببقى مش عارفة هو بيتكلم بجد ولا بيهزر. اهم حاجة المظاهر عنده والناس شايفة ايه مش المهم حاجة تانية .انا يمكن حبيته اوى عشان هو اول راجل دخل حياتى عمرى ما كلمت قبله رجالة خالص ولا صاحبت ولا اتعرفت على اى راجل فكان هو الاول فافتكرت ان كل الرجالة كدة ودى عيوب زى اى عيوب موجودة فى اى انسان وقولت معلش انا كمان اكيد عندى عيوب صبرت عليه بس كان بيضربنى ضرب مبرح ويمسح بيا الارض ويرفسنى برجليه وبيبقى مش واعى لنفسه وهو بيضربنى وبعد ما يخلص ضرب يقومنى ويغيرلى هدومى اللى اتقطعت وهو بيضربنى ويطبطب عليا و يشربنى عصير ويدينى مسكن يسكن الام الضرب لان ضربه كان بيسيب علامات بشعة فى جسمى.فى الاخر انا مستحملت عشرته وطلبت الطلاق واتطلقت بدون اطفال الحمد لله ولكنى بتعذب بعد الطلاق من الوحدة والفراغ العاطفى وساعات بانب نفسى واقول كنت صبرت عليه تانى بس انا تعبت بجد منه معانى كنت بحبه جدا .مشكلتى انى مش عارفةازاى احب شخص يعمل فيا كل ده وحتى بعد طلاقى منه لسة بفكر فيه مش عارفة ازاى مكرهتوش .اناعايزة احس انى بكرهه وان ده فعلا دهالقرار الصحيح اللى انا اخدته انى مرجعلوش تانى واطلق منه مع العلم انه ما كنش راضى يطلقنى خالص اتطلقت منه بالعافية بعد ضغط اهلى عليه.