ضربني لأنني لم أعطه راتبي

السلام عليكم ..انا واحدة عندى ٢٣ سنة انا محتارة اذا كنت صح او غلط ؟ هل للزوج حق ان ياخذ مرتب زوجته.هذا الموضوع كان سبب طلاقى لانى رفضت اعطى زوجى مرتبى فانهال عليا بالضرب الوحشى وقالى انى انسانة مادية واهلى معرفوش يربونى وشتمنى و رمالى ملابسى كلها فى الارض وجابلى شنطة عشان الم حاجت وامشى واستمر بضربى وهو يامرنى الم ملابسى من الارض للشنطة بالعافية وهو بيضربنى ويرفسنى برجلى و استمر يدفع فيا ويضرب فيا لحد ما وصلت للباب تانى برة الشقة وبعدين رجعنى تانى وقالى مش هتمشى من هنا و هاعملك زى الخدامة وكل واحد يصرف على نفسه و كل ده وهو بيضرب و يشتمنى ويغلط في اهلى ووسط الضرب بيبص فى المرايا وبعدين يكمل ضرب .انا مش عارفة هل هو مريض نفسى ؟ المهم روحت عند اهلى وطلبت الطلاق واتطلقت منه، وانا فى حالة ذهووول من اللى عمله هو كان متجوزنى عشان مرتبى وبس يعنى و عندما لم اعطيه عمل كل ده عشان المرتب!!