زوجي لئيم وبخيل وسلبني كل حقوقي

زوجى بخيل ولئيم السلام عليكم انا متزوجة من سنتين وعندى طفل جوزى من اول الجواز بخيل درجة انه بقه يدينى خمسة جنية كل يوم بس وطمعان فى اهلى يجيبوا وياكلونا وبيطلع للضيوف احلى حاجة جاية منهم اهلى. وفى الولادة كان مسافر وخلانى اروح عند اهلى وصرفوا كتير و عملت عمليه وكان عايزنى اروح عند اهلى بخدمونى ويصرفوا عليه ومكنتش عايز يدفعلى فلوس العمليه الا لما بابا ضغط عليه. اساسيات البيت مش موجوده مش بيجبلى لبس ولا بيراعى ربنا فيه سلبنى كل حقوقى وبيسهر مع اصحابه ويسبنى وواخد كل حقوقة والله بحاول اعوده على انه يساعدنى بس لئيم اوى ولو تعبانة يفضل يقولى هو انتى بتعملى ايه يعنى وبقة يدخل البيت يدور على اللى مش معمول ينتقدنى ومش بيشوف الحلو اللى عملته ابدا. ودايما ينتقد اهلى ويقلل منهم من وراهم طبعا انا اعلى منه فى المستوى الاجتماعى وانا قبلته عشان متدين وقلت هيراعى ربنا فيه واخر الامر ضربنى وانا عند اهلى دلوقت واهلى بيصرفوا عليه.بقالنا 40 يوم وبيخاف على نفسه من الاهانه اعمل ايه افيدونى ارجوكم