لا أشعر بقيمتي عنده إلا في الفراش

السلام عليكم .. انا عندي عدة مشاكل مع زوجي بنكمل السنتين على زواجنا وأنجبت ولد منه لكن طول هالفتره ماقدرت اتقبله لأسباب حصلت قبل الزواج وبعد الزواج قبل الزواج ماكنت اعرف انه مريض بمرض مزمن من الطفوله وشهادته ماقالوا لي الصحيح عنها ، بعد الزواج لما علمت هالامور حسّيت بقهر لان أخفوا عني ومن حقي اعرف لو كنت علمتها قبل ممكن ماارفض لكن لان من حقي اعرف كإنسانة بترتبط بهذا الشخص، بعد الزواج صارت خلافات بيني وبينه يضغط علي لزياره اهله بنفس اليوم اللي أزور اهلي فيه رغم اخوانه مايغصبوا زوجاتهم مثلي وإذا رفضت وقلت اروح يوم ثاني اعتبرها قلة احترام وتقدير لوالدته ورغم تدخلات اهلي قابلهم بالرفض ، ايضا حالته الماديه صعبه جدا جدا مايعطيني مصروف بس اكل وشرب وبالعيد فقط يعطيني اشتري ملابس بحجة مامعه فلوس بالمقابل لما يكون معه يبدي اهله علي بهدايا لهم ولاطفالهم وهالشي يقهرني اكثر ويغيضني مااقول لايعطيهم بس لايحرمني من حقي عشان هدايا بدون مناسبات ، ايضا أحسه ضعيف الشخصيه عند اهله عامل نفسه كمهرج عندهم وصاحب السوالف والتعليقات والفله ماحس بشخصيته وثقله ويتمسخروا عليه بعضهم امامي ، ايضا ماحس بقيمتي عنده أبدا الا بالفراش تطلع كلمات الحب والغزل اللي تناقض تعامله وكلامه وقت الخلافات ، فصارت خلافات كثيره بيني وبينه وباول زواجنا فكر يطلقني على سبب تافه جدا جدا وهذا الشي زاد الطين بله عندي حسّيت بعدها مااحبه ولا اقدر حتى أقوله كلام حلو لان بالنسبه لي مايستاهل وهو مستعد يتخلى عني باي لحظة فقدت الأمان معه لانه بكل بساطه لو احاول أتناقش معه يدعي اني عنيده وارفع صوتي وانا مارفعته بس لان اتكلم بجديه ويهددني عند كل مشكله تافهه اشيل عفشي وأروح بيت اهلي .. فأنا مو عارفه كيف اتعامل معه وأحس مو قادره احبه وساعات أكرهه وصرت أقارن حياتي بحياة الآخرين وكيف عايشين وانا كيف عايشة وأحس بداخلي انه غلطة عمري لما تزوجته ماصرت أتقبل حتى مزحه وكلامه يتهمني بالجفا ولا يعرف انه هو السبب هو يبغى الاهتمام والدلع من الزوجه بالمقابل الزوجه لازم تتحمل حالته وماتقوله لا وانا مااقدر انا أبغى احس انه لي رايي وشخصيتي ببعض الامور اللي لازم يحترمها ويقدرها ولايجبرني على شي ما ابيه ، فأنا احس اني مشتته معه ومو عارفه ايش أسوي